Ако синян терно вестители, ковато панда на покръстисайло, или изучинес и Библия, иси ли тут и цел те покръстинес тут? Соске требе те мангес те покръстинес тут? Кана мануш отдел по животос е Йеховаске тай покръстинел пес, ачшол лачшо амал е Йеховаса. (Пс 91:1) О отдаване тай о покръстване ингален жи ко спасение. (1Пе 3:21) Со те керес, за те ащи те покръстинес тут?

Докажине туке, кай аракхлян и истина. Кана иси тут въпрося, кер изучаване, за те ахальовес о отговоря. (Ри 12:2) Дикх саве променес требе те керес тере животосте тай кер лен ашал далкхеске кай мангес те лошанкярес е Йеховас. (Пр 27:11; Еф 4:23, 24) Винаги молине тут леске те помагинел туке. Ов сигурно, кай о Йехова ка керел тут зорало тай ка помагинел туке пе святоне духоса. (1Пе 5:10, 11) Ако керес со ащи, за те служинес е Йеховаске, ка дикхес, кай ка овел тут бари полза, соскето давкха си о най-шукар животос! (Пс 16:11)

ДИКХ О ВИДЕОКЛИПИ „О ДРОМ КАРИГ О ПОКРЪСТВАНЕ“ ТАЙ ОТГОВОРИНЕ ДАЛКХЕ ВЪПРОСИЕНДЕ:

• Саве букя пречиненас десаве пхраленге тай пхениенге те покръстинен пес?

• Сар ащи те барярес ти вяра, за те отдес тут е Йеховаске?

• Со традингяс десаве манушен те керен давкха со требе, за те покръстинен пес?

• Саве благословиес иси далкхен, колато избиринен те служинен е Йеховаске?

• Со означинел мануш те отдел пес е Йеховаске тай те покръстинел пес?