О обещание, ковато ден о ром тай и ромни йекх аверес, кана пранденен, си бут важно е Йеховаске. Ов пхенгяс, кай о ром тай и ромни требе те икерен йекх авереске тай те ачшовен заедно. (Мт 19:5, 6) Анде Девлескоро народос иси бут щастлива семейства, ама он нанай съвършена. Ка овен лен проблемя. На требе те овас сар о мануша таро светос, колато мислинен, кай кана е ромес тай е ромня иси проблемя машкар песте, о решение си те мукен пес или те развединен пес. Сар ащи о християня, колато си прандеме, те пазинен по браки?

Нека те дикхас панч важна букя:

1. Пазине то ило, като на домукес те овес кхелавне якхенгоро тай отчшиес о развлечения, коленде иси нечиста букя. Далкха букя аравен о семейство. (Мт 5:28; 2Пе 2:14)

2. Баряр то амалипе е Йеховаса тай то желание те лошанкярес лес андо семейство. (Пс 97:10)

3. Продължине те урявес и неви личност тай кер мила букя, даже те овен цикне, за те помагинес те ромеске или те ромняке. (Кол 3:8-10, 12-14)

4. Хоратинен туменге често тай вогиестар, като сикавен уважение йекх кариг авересте. (Кол 4:6)

5. Нежно тай дехимнаса мислине далкхеске саве си те ромескере или те ромнякере сексуална нуждес тай де лес или ла о дължимо (1Ко 7:3, 4; 10:24)

Кана уважинен по браки, о християня сикавен уважение кариг далкхесте, ковато кергяс о браки, о Йехова.

ДИКХ О ВИДЕОКЛИПИ „ТРЯБВА „ДА БЯГАМЕ С ИЗДРЪЖЛИВОСТ“: СПАЗВАЙТЕ ПРАВИЛАТА НА СЪСТЕЗАНИЕТО“ ТАЙ ОТГОВОРИНЕ ДАЛКХЕ ВЪПРОСИЕНДЕ:

• Нищо кай андо начало всичко андо браки ащи те овел шукар, саве трудноскя ащи те авен?

• Сар о съвекя тари Библия ащи те помагинен далкхенге, колато мислинен, кай ленгере семействосте нанай дехиба?

• Со пхенгяс о Йехова, кай требе те керел пес андо семейство?

• Со требе те керен о ром тай и ромни, за те овел лен щастливо семейство?