Соске зомкха бут дехас амаре конгреся? Сарто о израилтяня ко пуране диеса, аме-да бут лошанас, кана кидас амен буте пхраленца тай пхениенца, за те поклонинас амен е Йеховаске. Бут си шукар, кай ащи те сикльовас зомкха бут букя е Йеховаске тай те кидас амен амаре амаленца тай енданиенца. Ашал далкхеске кай синям бут благодарна, дас всичко амендар, за те овас ко трин-да диеса таро конгреси.

Кана кидас амен заедно ко конгреся, на требе те мислинас само сави полза амен ащи те овел, а сар ащи те сикавас дехиба кариг околенде. (Га 6:10; Ев 10:24, 25) Кана икерас о вудар амаре пхраленге тай пхениенге тай на мукас амаре букя ко столовя, коленде на бешас, чука сикавас, кай дикхас околенге. (Флп 2:3, 4) Ко конгреся ащи те аракхас буте неве амален. За те керас давкха, требе те дикхас те хоратинас манушенца, колен на пенжарас, ки обедно почивка, а също англал тай палал и програма. (2Ко 6:13) Ачука ащи те запенжарас амен манушенца, коленца ка овас амала вечно! Тай о най-важно си, кай кана о мануша дикхен о дехиба машкар аменде, давкха ащи те традел лен те манген он-да те служинен е Йеховаске. (Йоа 13:35)

ДИКХ О ВИДЕОКЛИПИ „МЕЖДУНАРОДНИТЕ КОНГРЕСИ „ЛЮБОВТА НИКОГА НЕ ПРЕСТАВА“ ТАЙ ОТГОВОРИНЕ ДАЛКХЕ ВЪПРОСИЕНДЕ:

• Сар о местна пхрала тай пхеня сикавде дехиба кариг о пхрала авере държавендар, колато уле ко международна конгреся презал о бреш 2019?

• Соске о единство тай о дехиба анде Йеховаскоро народос си зомкха специално?

• Саве букиенге, колато си част таро християнско дехиба, хоратинде о пхрала таро Ръководно тяло?

• Сави бари победа ангяс о християнско дехиба анди Германия тай анди Южна Корея?

• Со требе те мангас те керас са вогиестар?