Соса боринес тут секо диес? Дали синян шеро е семействоскоро тай иси тут бут букя те пикенде? Дали барярес те чшавен коркоро или коркори тай си туке пхаро те дикхес лен? Дали синян младежи тай тормозинен тут окола чшаве ки училища? Дали си туке пхаро, соскето синян насвало или пхуро? Секас иси проблемя. Даже буте християниен иси неколко проблемя едновременно. Ама жанас, кай сиго о Йехова ка освободинел амен далкхе проблемиендар. (2Ко 4:16-18)

Жикай авел давкха диес, си бут утешително те жанас, кай о Йехова ахальовел саво пхарипе иси амен. Ов бут ценинел давкха кай издържинас о изпитания тай ачшовас леске верна, адалкхеске ка дел амен баре благословиес. (Йер 29:11, 12) О Исусес-да дикхел аменге. Бискай керас и бути, която ов диняс саворе християниен, о Исусес пхенел аменге: „Ме синьом туменца.“ (Мт 28:20) Кана мислинас далкхеске сави свобода ка дел амен е Девлескоро Тхагарипе андо бъдеще, давкха ка помагинел аменге те барярас амари надежда тай те издържинас о изпитания. (Ри 8:19-21)

ДИКХ О ВИДЕОКЛИПИ „С НАБЛИЖАВАНЕТО НА БУРЯТА ОСТАНЕТЕ СЪСРЕДОТОЧЕНИ ВЪРХУ ИСУС! ДА НАДНИКНЕМ В БЪДЕЩЕТО“ ТАЙ ОТГОВОРИНЕ ДАЛКХЕ ВЪПРОСИЕНДЕ:

• Сар о мануша цидисайле таро Дел тай со ачшило ашал далкхеске?

• Саво бъдеще ка овел далкхен, колато си верна е Йеховаске?

• Сар си възможно савка шукар бъдеще?

• Саве благословиес жарес най-бут андо нево светос?