О светос, колесте живинас, традел е манушен те мислинен, кай о лачшипе си кханило тай о кханилипе си лачшо. (Иса 5:20) Бут си холяке те дикхас, кай десаве мануша керен букя, колато о Йехова мразинел. Например керен нечиста букя мруш мрушеса или жувли жувляса. О съученикя или авер мануша ащи те траден е тернен амаре кхангерятар те овен сар ленде. Сар ащи те помагинен тумаре чшавенге те справинен пес, кана иси лен салка изпитания?

Сикавен тумаре чшавен те жанен со мангел о Йехова. (Ле 18:3) Хари по хари сикавен лен со пхенел и Библия далкхеске саве требе те овен о сексуална отношения. Давкха со ка пхенес ленге зависинел далкхестар кизоме брешенгере си он тай со ащи те ахальовен. (Вт 6:7) Пуч тут: „Помагингьом ли ме чшавенге те жанен со ащи тай со нащи те керел декхой, за те сикавел дехиба, кизом си важно те урявас амен скромно тай кай иси букя, колато на требе те домукен те керен ленге окола мануша? Дали ме чшаве ка жанен со те керен, ако декхой традел лен те дикхен порнография или пхенел ленге те керен варесо, ковато си погрешно е Йеховаске андо якха?“ Ако жанен со те керен англал те ачшол десаво кханилипе, давкха ка помагинел ленге те пазинен пес. (Пр 27:12; Ек 7:12) Кана възпитинен тумаре чшавен, сикавен, кай дехен давкха скъпоценно подаръки таро Йехова. (Пс 127:3)

ДИКХ О ВИДЕОКЛИПИ „СТРОЙТЕ КЪЩА, КОЯТО ЩЕ ИЗДЪРЖИ: ПАЗЕТЕ ДЕЦАТА СИ ОТ „ОНОВА, КОЕТО Е ЗЛО“ ТАЙ ОТГОВОРИНЕ ДАЛКХЕ ВЪПРОСИЕНДЕ:

• Соске десаве дада тай дая лажан те хоратинен пе чшавенца далкхеске со си о сексуална отношения?

• Соске о родителя требе те възпитинен пе чшавен, като „ден лен годи тай сикавен лен чука, сарто пхенел о Йехова“? (Еф 6:4)

• Сар е Йеховаскери организация помагинел е даденге тай е дайенге те сикавен пе чшавен со си о сексуална отношения? (w19.05 12, о блокчес)

• Соске требе те хоратинен често тумаре чшавенца, англал те авен о проблемя?