Сарто о Йехова кергяс те овел редос андо Израил, ачука керел те овел редос лескере народосте авдиес-да, за те ащи те керас и бути, която диняс амен. Ко цело светос о Бетеля, о окръгя, о кхангеря тай о групес е службаке керен бути заедно, за те проповединел пес и лачши новина. Проповединас саворенге, далкхенге-да, колато хоратинен авер чшиб. (Отк 14:6, 7)

Мислингян ли декхана те сикльовес авер чшиб, за те помагинес околенге те сикльон и истина? Даже те на овел тут време те сикльовес авер чшиб, ащи те използвинес о приложение JW Language те сикльос хари думес, за те ащи те пхенес варесо е манушенге, колен ресес ки служба. Кана пробинес те използвинес далкха думес анди служба, ащи те чувствинес тут сар о първа християня. Он бут лошаненас те дикхен сар е манушенге авере държавендар ачшолас чудно, кана шуненас „е Девлескере велика букя“ пере чшибате. (Де 2:7-11)

ДИКХ О ВИДЕОКЛИПИ „СТАНИ ПРИЯТЕЛ НА ЙЕХОВА: ПРОПОВЯДВАЙ НА ЧУЖД ЕЗИК“ ТАЙ ОТГОВОРИНЕ ДАЛКХЕ ВЪПРОСИЕНДЕ:

• Кана ащи те използвинес о приложение JW Language?

• Сар ащи те използвинес о приложение JW Language?

• Саве чшиба хоратинен о мануша отхе кате бешес?

• Со требе те керес, кана декхой, ковато хоратинел авер чшиб, мангел те сикльол по-бут далкхеске сави си и лачши новина е Тхагарипнаске? (od 100-101, абз. 39-41)