Соске те подготвинес тут? Ащи спешно те требе те жас ки болница. Салка букя ачшон изведнъж. Аке соске требе те керас всичко со ащи англал те ачшол десаво кханилипе, за те овел амен и най-лачши медицинско помощ, ако ка требел аменге. Като подготвинас амен, ка сикавас, кай ценинас о животос тай е Йеховаскоро закони е ратеске. (Де 15:28, 29)

Со те керес, за те подготвинес тут?

• Молине тут тай внимателно подпхер о „Дълготрайно здравно пълномощно“ (ДЗП) a. Калка, колато си покръстиме, ащи те манген за песке о ДЗП таро пхрал, ковато си отговорно е лиленге. Също ащи коркоре те керен пе цикне чшавенге документи, колесте те пишинел саво си ленгоро решение е ратеске

• Ако синян кхамни, манг таро старейшиня копие таро документи „Информация за бременни“ (S-401), ковато ка помагинел туке те решинес саво лечение ка мангес, ако ачшон проблемя, бискай синян кхамни или кана биянес

• Ако жанес, кай ка требел туке лечение, колесте може би ка манген те използвинен рат или ка требе те ачшос ки болница, пхен калка букя е старейшиниенге. Пхен също е лекариенге анди болница, кай декхой таре Йеховаскере Свидетеля ка авел те дикхел тут

Сар ащи те помагинен о старейшиня? Он ащи те помагинен туке те подпхерес о ДЗП. О старейшиня нанай те лен решения вместо туте или те пхенен туке со мислинен он е букиенге, колато секой коркоро требе те решинел. (Ри 14:12; Га 6:5) Кана пхенес те старейшиниенге, кай требел туке лечение, колесте ащи те използвинел пес рат, он ка хоратинен за туке е пхраленца таро Комитети за връзка с болниците (КВБ).

Сар ащи те помагинен о пхрала таро КВБ? О пхрала, колато служинен андо КВБ, жанен сар те помагинен околенге, колато си лекаря или адвокакя те ахальовен соске на приеминас рат. Он ащи те сикавен е лекариеске десаве лечения, коленге на требел рат. Ако требел, он ащи те аракхен лекари, ковато те овел готово те помагинел туке без те използвинел рат.

ДИКХ О КЛИПИ „КАК ДА ВЗЕМАМЕ РЕШЕНИЯ ПО МЕДИЦИНСКИ ВЪПРОСИ, СВЪРЗАНИ С КРЪВТА“ ТАЙ ОТГОВОРИНЕ КАЛКЕ ВЪПРОСИЕСКЕ:

• Со сиклилян таро клипи, ковато ащи помагинел туке те овес готово, ако спешно манген те керен туке кръвопреливане?

  То отговори