Мангас те анас радост е Йеховаске всичконаса со керас. (Пр 27:11) Аке соске требе те ахальовас сар мислинел о Йехова, за те лас лачше решения, кана анди Библия на пишинел точно со требе те керас. Со ка помагинел аменге?

Изучине и Библия редовно. Секо дром, кана четинас и Библия, все едно синям е Йеховаса. Ащи те ахальовас сар мислинел ов, като дикхас сар икерелас пес пе народоса тай като сикльовас по-бут е манушенге, колато керде лачшипе или кханилипе. Кана требе те лас десаво решение, о свято духос ащи те помагинел аменге те дас амен годи саве важна букя тай съвекя сиклилям таре Девлескоро Слово. (Йоа 14:26)

Роде по-хоресте. Кана требе те лес десаво решение, пуч тут: „Саве стиховя или разказя тари Библия ащи те помагинен манге те ахальовав сар мислинел о Йехова?“ Молине е Йеховас те помагинел туке тай кер изледване, като използвинес о букя, колато иси тере чшибате, за те аракхес съвекя тари Библия, колато ка помагинен туке те справинес тут тере проблемиеса. (Пс 25:4)

ДИКХ О КЛИПИ „ТРЯБВА „ДА БЯГАМЕ С ИЗДРЪЖЛИВОСТ“: ЯЖТЕ ПИТАТЕЛНА ХРАНА“ ТАЙ ОТГОВОРИНЕ КАЛКЕ ВЪПРОСИЕНГЕ:

• Саве проблемя сине е терне пхеня таро клипи?

  То отговори

• Кана тут-да иси салка проблемя, сар ащи те използвинес о букя, коленца керас изледване, за те справинес тут?

  То отговори

• Соске си шукар за аменге те родас по-хоресте тай те керас лично изучаване, ковато ка помагинел аменге те лас лачше решения? (Ев 5:13, 14)

  То отговори