Обща политика за поверителност

•  Зачитинас торо право на поверителност

•  Информация за администратора на данни

•  Сигурност тай поверителност на данните

•  Непълнолетна мануша

•  Трети страни

•  Известия кана променингьол амари политик

•  Active Scripting или JavaScript

Дикх също

• Световно политика е Йеховаскере Свидетеленгери за те защитинен пес о данни

• Световно политика за те използвинен пес о лични данни

• Световно политика за те използвинен пес „Бисквитки“ тай подобна технологиес

Аменге си бут важно те защитинас тай те зачитинас и поверителност тере личноне информацияке. Далкхе Политикате обяснинел пес сар и лично информация, която кидас тутар, или която ту дес амен, ка използвинел пес амаре уебсайкиесте. Кидас определено основно информация, кана дес амаре уебсайкиесте, тай адалкхеске ахальовас, кай требинел те защитинас дайкха информация тай те пхенас туке сар използвинас ла. Ащи те решинес те дес амен информация, която си лични данни. О думес „лични данни“, сарто си използвиме далкхе Политикате, включинен информация сарто торо алав, имейл адреси, пощенско адреси, телефонно номери или саве-да те овел авер данни, колато сикавен кова синян ту. На очаквинел пес тутар те дес сави-да те овел лично информация, за те дикхес и публично част далкхе уебсайкиесте. Като пхенас „уебсайти“ давкха включинел кавка уебсайти тай о свържиме леса уебсайтовя сарто о apps.pr418.com, tv.pr418.com, stream.pr418.com тай wol.pr418.com.

Давкха уебсайти си собственост таро Watchtower Bible and Tract Society of New York, Inc. („Watchtower“), сдружение с нестопанска цел, ковато аракхльовел андо Ню Йорк, ковато подкрепинел е Йеховаскере Свидетеленгери бути тай о библейско образование. Ако доброволно решинес те керес туке акаунти, те дес дарение, те бичшалес заявка, за те изучинес и Библия бипаренгоро или по авер начини дес амен лични данни, ту съгласинес тут далкхе Политикаса за поверителност, те съхранинен пес тере данни ко сървъря, колато аракхльовен ко Съединени американски щати тай те киден пес, те използвинен пес, те бичшален пес тай те съхранинен пес тере лични данни таро Watchtower тай подобна организациес авере държавенде, колато керен бути заедно е Йеховаскере Свидетеленца, за те ащи те изпълнинен пес о букя, колато манглян. И бути тари религиозно организация керел пес ко цело светос чрез о местна образувания. Относно и защита на данни, далкха местна образувания ащи те включинен о местна сборовя, о клоновя тай авер подобна организациес, колато керен бути заедно е Йеховаскере Свидетеленца.

Според далкхесте сар използвинес давкха уебсайти, тере лични данни ащи те овен използвиме таро различно администратори. Например, ако керес дарение карик о юридическо лице десаве държавате, торо алав тай о данни за връзка ка овен динде ко съответно юридическо лице. Ка пхенас туке далкхеске по време на процеса. Авер примери: ако бичшалес заявка, за те изучинес и Библия, торо алав тай и информация за връзка туса ка овен бичшалде е местноне клониеске тай е сбориеске е Йеховаскере Свидетеленгоро, за те овел изпълниме тери заявка.

Ако ки държава, кате бешес иси законя за те защитинен пес о данни, ка аракхес информация за връзка далкхе държаваке ки страница Контакти относно защитата на данни.

Аменге и сигурност тай и поверителност относно о лични данни си бут важно. Използвинас съвременна технологиес, за те съхранинас тай те защитинас о данни, за те предпазинас тери лично информация далкхестар декхой, колес нанай право те ащи те дикхел или те променинел ла, или те използвинел, те сикавел околенге или те унищожинел дайкха информация тай далкхестар случайно ой те овел нашалди. Саворе, колато използвинен о лични данни тай о трети страни, колато аме използвинас те керен бути тере информацияса, си задължиме те пазинен тери информация поверително. Аме съхранинас тере лични данни само бискай требинен аменге, за те керас и бути колаке кидингям лен, или бискай си необходимо според о закони.

Кана бичшалас тере лични данни, защитинас лен, като използвинас протоколи за криптиране сарто Transport Layer Security (TLS). Използвинас компютърна системес, коленге о достъпи си ограничиме тай колато аракхльовен андо сградес, кате иси физическа, електронна тай процедурна меркес за сигурност, за те пазинас и информация, която бичшалел пес поверително. Поддържинас баре стандаркя за сигурност, чука кай никхой, колес нанай право, те на овел лес достъпи.

Ако синян непълнолетно анди държава, катар путерес амаро уебсайти, ащи те бичшалес лични данни ко уебсайти само ако синян заедно те родителеса/енца или настойникиеса. Ако синян родители или настойники тай съгласинес тут торо непълнолетно чшаво те бичшалел лични данни ко уебсайти, ту съгласинес тут далкхе Политикаса тере непълнолетноне чшавеске.

Подекхана далкхе уебсайкиесте иси линковя, колато путерен уебсайти на трета страна, която керел десави бути аменге (например попълнинел формуляря онлайн). Ка ахальовес, кай синян ко уебсайти на трета страна, соскето ов ка дикхьол по-авер тай и адресно лента ко браузъри ка променинел пес. Кана избиринас трети страни (тай периодично палал далкхесте), проверинас ленгери Политика за поверителност тай защита на данни, за те овас сигурна, кай следвинен амаре стандаркя. Ако иси тут въпрося сави политика използвинел десави трета страна, дикх и информация, която си сикавди лакере уебсайкиесте.

Постоянно керас давкха уебсайти по-шукар, добавинас лесте неве букя тай подобринас о услугес лесте. Ашал далкхеске тай ашал е промененге андо закони тай андо технологиес, о начини сар използвинас о данни, ащи те променингьол периодично. Кана наложинел пес те променинас амари Политика, ка пишинас далкхе страницате саворе променес, колато кергям тай чука винаги ка жанес сави информация кидас тай сар използвинас ла.

За те керел бути по-лачшес амаро уебсайти, използвинен пес различна скриптовя. Чрез ленде о сайти ащи по-сиго те сикавел и информация, която мангес. О сайти нисар на използвинел скриптовя, за те керел инсталация на софтуер тере компютересте или те лел информация тутар без те дес разрешение.

И функция Active scripting или JavaScript требинел те овел включиме ко браузъри, за те ащи десаве части таро сайти те керен бути правилно. По-бут таро браузъря позволинен дайкха функция те включинел или изключинел пес конкретноне сайтовиенге. Дикх и помощно информация ко браузъри, за те ахальовес сар те разрешинес о скриптовя е уебсайтовиенге, колато избиринес.