По-бут таро букя далкхе сайкиесте ащи те дикхен пес без те овел тут регистрация или те бичшалес аменге информация. Ама иси десаве функциес, колато ащи те избиринен само о регистририме потребителя, о потребителя, колато бичшален заявкес или о потребителя, коленгере данни бичшален пес чрез о jw.org десаве сбориестар е Йеховаскере Свидетеленгоро. Използвинас тере лични данни само ако синян съгласно. Иси случаи, кана дори те отменинес торо съгласие, амен ащи те овел амен правно основание те продължинас те използвинас тере данни, бискай давкха си според о съответна правна изисквания.

О лични данни, колато бичшалес ко уебсайти, използвинен пес само далкхеске, колеске обяснинас туке кана бичшалес лен. Давкха ащи те включинел о следна букя:

Акаунти. О имейл адреси, ковато дес, кана керес туке акаунти далкхе уебсайкиесте, ка използвинел пес за връзка туса относно давкха акаунти. Например, ако бистерес торо потребителско алав или и парола тай мангес помощ, за те дес анди система, ка помагинас туке, като бичшалас съобщение ко имейл адреси, ковато пишингян, кана кергян торо потребителско профили.

Молбес. Ащи те бичшалес молба таро уебсайти или торо сбори ащи те използвинел давкха уебсайти, за те бичшалел молба тере алавестар. Ако ачшол давкха, о данни, колато динян ка използвинен пес само за те раздикхел пес тери молба тай те керен пес о административна букя свържиме далкхеса. О данни тере молбате ащи те овен бичшалде авере клоновиенге или организациенге, колато керен бути заедно е Йеховаскере Свидетеленца авере държавенде, ако давкха си необходимо, за те раздикхел пес тери молба.

Дарения. Ако керес парично дарение онлайн, кидас данни тере алавеске тай тере информацияке за връзка. За те приеминас дарения тари кредитно карта, използвинас сертифицирана онлайн доставчикя на платежни услуги, колато най-лачшес пазинен и сигурност тай защитинен о лични данни. Ащи те получинас финансово информация, сарто о номери тари кредитно карта или и банково сметка, която требинел аменге, за те керас и обработка тере дарениеске, тай те бичшалас дайкха информация ко доставчикя на платежни услуги. Аме керас и обработка тере дарениенге по сигурен начин, като използвинас меркес според о стандарти PCI DSS (Payment Card Industry Data Security Standard). Давкха, ковато получинел о дарение пазинел и информация таро финансова трансакциес най-хари деш бреш. Давкха включинел и дата, и сума тай сар сине кердо о дарение. Чука ащи те спазвинас о счетоводна стандаркя тай те отговоринас саворе въпросиенге, колато ащи те пучес далкхе времесте. Нанай те свържинас амен туса, за те мангас панда дарения.

Заявкес, за те получинес по-бут информация или те изучинес и Библия. Чрез амаре уебсайкиесте ащи също те мангес по-бут информация или те изучинес и Библия. Ка използвинас тере лични данни, колато пишинес ки заявка, само за те изпълнинас дайкха конкретно заявка. За те изпълнинас ла, тере данни ащи те овен бичшалде авере клоновиенге или организациенге, колато керен бути заедно е Йеховаскере Свидетеленца.

Авер целес. Ащи те бичшалес лични данни (алав, пощенско адреси тай телефонно номери) авере варесоске, освен те керес туке акаунти, те бичшалес молба или те керес дарение. Секо дром кана ачшол давкха, ка пхенас туке ясно соске дес и информация. Нанай те използвинас тери информация варесоске, колеске на пхенгям туке ясно кана динян тере данни.

Аме кидас, съхранинас тай използвинас далкха лични данни само далкхеске, колеске динян лен тай пазинас о данни само бискай си необходимо, за те изпълнинас далкха целес или авер приложиме законна целес. Далкхе случаиенде, ако решинес те на дес амен част таро лични данни, колато мангас, ащи те на овел възможно те дикхес десаве части таро сайти или те изпълнинас тери заявка.

О данни, колато дес кана бичшалес заявка или молба си достъпна околенге, колато керен и обработка за те изпълнинен и цел, колаке сине динде о данни тай/или околенге, колато си специалискя по техническа поддръжка, за те керен и бути, която си необходимо за те поддържинен пес о системес. Аме на дас тере лични данни никхаске, освен ашал далкхе причиненге: 1) требинел те осигуринас и услуга, която манглян, колеске пхенгям туке ясно; 2) според о законя или о регламенкя иси амен сериозно причина те мислинас, кай требинел те дас тере данни; 3) кана о правоприлагаща органя манген лен или 4) кана си необходимо, за те ахальовел пес или те спиринел пес измама, андо техническа въпрося или за те пазинел пес и сигурност. Кана използвинес давкха уебсайти, ту съгласинес тут те дас тере лични данни ко трети страни само ашал далкхе причиненге. О лични данни, колато дес нисар нанай те овен бикинде, динде под наем, нито ка керел пес търговия ленца.

И религиозно организация керел пи дейност ко цело светос, като използвинел различна местна образувания. Десаве таро сървъря, коленде аракхльовел амаро уебсайти, си андо Съединени американски щати. Ащи те бичшалас тере данни авере държавате, ковато ащи те включинел държавес, кате о законя ащи те осигуринен по-авер ниво за те защитинен пес о лични данни, далкхестар сар защитинен пес о данни ки държава, кате бешес акана. Кана използвинас тай бичшалас тере лични данни, лас меркес, за те защитинас лен. Очаквинас саворе организациес, колато използвинас тай колато подкрепинен и дейност е Йеховаскере Свидетеленгери, те следвинен амари политика за поверителност тай о действаща законя тай регламенкя относно о лични данни.

Кана използвинес давкха уебсайти тай общувинес аменца електронно, ту съгласинес тут тере данни те овен бичшалде ки чужбина.

Кана използвинас о лични данни, уверинас амен, кай он поддържинен пес точна тай актуална, за те изпълнинен и цел, колаке киден пес. Според далкхесте коле държавате бешес, тай о местна законя, за те защитинен пес о данни, ащи те овел тут о следна права относно о лични данни, колато бичшалгян:

• Ащи те мангес информация далкхеске сар кидел тай използвинел пес тери лично информация според о приложиме местна законя;

• Ащи те мангес те овел тут достъпи, те поправинес, те заличинес или те блокиринес тери лично информация, ако ой си непълно или неточно;

• Ако иси тут основателно причина далкхеске, ащи те откажинес те използвинел пес тери лично информация тай те мангес вече те на използвинас тере данни.

Ако ки държава, кате бешес иси законя за те защитинен пес о данни тай мангес те получинес достъпи, те поправинес или те заличинес тере лични данни, ащи те аракхес информация за връзка ки страница Контакти относно и защита на данни.

Кана получинас писмено заявка тутар тай осигуринес достатъчно доказателства далкхеске кова синян ту тай достатъчно информация за те ащи те аракхас тере лични данни, о съответно администратори ка требинел справедливо те уравновесинел торо искане те овел тут достъпи жи ко данни или те поправинес или те заличинес лен, тай о законна интереся е организациякере. Давкха означинел, кай ов ка преценинел дали ако изпълнинел торо искане, давкха ка застрашинел о право е организациякоро те овел ла религиозно свобода тай те изповединел пере религиозна убеждения. Ка информиринас също саворе трети страни далкхе промененге.

Моля, ирине внимание, кай тере данни ащи те на овен изтрита, ако о закони изисквинел те керел пес обработка ленца или ако иси авер законова основания о данни те запазинен пес. Например и религиозно организация мангел те поддържинел постоянно о данни далкхеске саво си о положение йекхе манушескоро сар е Йеховаскоро Свидетели. Давкха те заличинел пес дайкха информация ка нарушинелас сериозно и религиозно свобода тай о изповядване е религиозноне убеждениенге е организациякере. О искания те заличинен пес о лични данни зависинен таро правна изисквания, колато си наложиме аменге относно о докладване тай о запазване е докуменкиенге. Също иси тут право те керес жалба ко местно органи, ковато защитинел о данни далкхеске сар използвинен пес о данни, колато бичшалгян чрез далкхе уебсайкиесте.