И Световно религиозно организация е Йеховаскере Свидетеленгери („религиозно организация“) уважинел о право на неприкосновеност е личноне животоске тай и защита на лични данни. И религиозно организация признавинел и необходимост те овел открито тай честно общуване тай те киден пес лични тай чувствителни лични данни, за те дел пес со требинел е Йеховаскере Свидетеленге тай те керел пес и религиозно тай благотворително бути е организациякери, сарто и нужда-да те пазинел поверителност тай адекватно те защитинел и информация. (Притчи 15:22; 25:9) Аме бут ценинас и поверителност. (Притчи 20:19)

Десаве държавес приеминде законя, за те защитинен пес о данни, за те гарантиринен и неприкосновеност е личноне животоске. И религиозно организация, включително лакере местна клоновя, винаги уважинелас и неприкосновеност е личноне животоске тай пазинелас и поверителност, панда англал те овел салка законя. И религиозно организация ка продължинел те защитинел и информация, която получинел, сарто керелас винаги.

Принципя, за те защитинен пес о данни. И религиозно организация използвинел саворе лични данни, като следвинел о следна принципя:

1. О лични данни ка използвинен пес честно тай законно.

2. О лични данни ка киден тай използвинен пес само зомкха, кизом требинел, за те керел пес и религиозно тай и благотворително бути е религиозноне организациякери.

3. О лични данни ка поддържинен пес точна тай актуална. Секо йекх грешка ка поправинел пес кизом ащи по-сиго, кана и религиозно организация ахальовел лаке.

4. О лични данни ка съхранинен пес само бискай си необходимо, за те изпълнинен пес о законна целес е религиозноне организациякере.

5. Ка иринел пес сериозно внимание те уважинен пес о права околенгере, колато бичшален данни.

6. Ка лен пес подходяща техническа тай организационна меркес, за те на овел неупълномощено тай незаконно разкриване на лични данни. Саворе данни, колато съхранинен пес ко компютъри, съхранинен пес андо устройства, коленде иси паролес тай ленде ащи те ден само упълномощена потребителя. Кана свършинел о работно време, о офися си пханде тай само упълномощена мануша ащи те ден андре.

7. О лични данни нанай те пречшиен пес машкар о клоновя, освен ако давкха си необходимо, за те изпълнинен пес о религиозна тай благотворителна целес е религиозноне организациякере, коленге съгласисайле саворе Йеховаскере Свидетеля, кана доброволно решинде те ачшон е Йеховаскере Свидетеля тай те овен пенжарде, кай си салка.

Калка принципя, за те защитинен пес о данни ръководинен о начини сар използвинен пес о лични данни. Далкхеске пишинел андо лил „Организириме, за те керас е Йеховаскери воля“, ковато получинел секо йекх Свидетели е Йеховаскоро, кана ачшол вестители. За те ахальовес по-бут, дикх о лил „Организириме, за те керас е Йеховаскери воля“.

Секонескоро право те защитинен пес лескере лични тай чувствителни лични данни тай те поправинен пес или те заличинен пес лескере лични тай чувствителни лични данни ка овел уважиме според и практика е Йеховаскере Свидетеленгери, която си сикавди анди Световно политика за те използвинен пес о лични данни, андо подзаглавие Тумаре права.

Кайка Световно политика е Йеховаскере Свидетеленгери за те защитинен пес о данни сикавел сар е Йеховаскере Свидетеля ко цело светос използвинен о лични данни.