Na. I Biblija jasno phenela so o Devel stvorinđa e manušen hem različita „vrste“ biljke hem životinje a (Postanak 1:12, 21, 25, 27; Otkrivenje 4:11). Koro late pisini so sa o manuša ulje ando Adam hem andi Eva (Postanak 3:20; 4:1). Isi jekh teorija, koja tani penđardi sar „teističko teorija“, koja phenela so o Devel koristinđa i evolucija te stvorini o različita životna oblikija. Ama, i Biblija na podupirini jekh asavki teorija. Pa ipak, i Biblija slažini pe odoleja so o naučnikija dokažinđe so ki jekh vrsta šaj te avel đi o varijacije. b

•  Da li o Devel koristinđa i evolucija ked stvorinđa?

•  Da li o zapisija andi Biblija šaj te objasninen pe e evolucijaja?

•  Da li odova so o biljke hem o životinje tane sposobna te prilagodinen pe tano dokaz so evoluirinđe ki aver vrsta?

 O izraz „teističko evolucija“ šaj te odnosini pe ko razna teorije ando odova sar hine stvorimo o sveto. Premali jekh enciklopedija, disave manuša verujinena „so o Devel koristinđa i prirodno selekcija sar jekh ando način đi stvorinđa“ (Encyclopædia Britannica).

 Pana disave teorije kola tane uključime ki teističko evolucija tane:

•   Sa o đivde organizmija avena ando zajednička pretkija kola živinđe angleder but vreme.

•   Jekh životno oblik šaj te evoluirini ko skroz aver životno oblik, a odova tano penđardo sar makroevolucija.

•   Ko nesavo način o Devel pokreninđa akala procesija.

 I teističko evolucija mothovi so nane tačno odova so i Biblija vaćeri ando stvaranje. Ama, o Isus vaćerđa ando događaja kola tane pisime ko Postanak sar ando istorijska činjenice (Postanak 1:26, 27; 2:18-24; Matej 19:4-6). Ki Biblija pisini so o Isus, angleder so alo ki phuv, živinđa ko nebo hem so zajedno e Devleja stvorinđa sa so postojini (Jovan 1:3). Odolese i teorija so o Devel koristinđa i evolucija te stvorini sa o životna oblikija na slažini pe odoleja so i Biblija sikavi.

 I Biblija na vaćeri kobor varijacije šaj te pojavinen ki jekh vrsta. Isto ađahar, e biblijake zapisija na phenena so ko različita biljna hem životinjska vrste kola o Devel stvorinđa, našti te pojavinen pe varijacije đi on uzgajinena pe ili prilagodinena pe ki nevi sredina. Iako disave phenena soj tano asavko prilagođavanje dokaz andi evolucija, našti te phenel pe so ko asavko način ulje o neve vrste.