But manuša ko celo sveto nane len so te han hem kuri te živinen. A avera nane len nada asi budućnost. Ako pomožinaja asavke manušenđe, o Devel ka blagoslovini amen.

„Ko mothovi milost e ćororenđe, e Jehovase pozajmini, hem Ov ka irini olese aso olese delija.“ (POSLOVICE 19:17)

O Isus vaćerđa jekh priča ando manuš kas o razbojnikija napadinđe hem mukhlje le te merel (Luka 10:29-37). Odolese so hine but povredimo jekh saosećajno stranco pomožinđa lese. Ov ćerđa odova iako hine ando aver narodo.

Akava manuš saosećajno paćarđa olese rane hem dinđa le pare. Isto ađahar, ov utešinđa le ked hine lese pharo.

So sikljovaja andi akija priča? O Isus mothovđa so valjani te pomožina okolenđe kase valjani pomoć ko bilo kova način (Poslovice 14:31). E Devleso Lafi sikavi amen so pana hari o Devel ka cidel o ćororipe hem i patnja. Ama šaj pućaja amen ked hem sar o Devel ka ćerel odova? Ko aver članko ka dikhe kola blagoslovija spreminđa tuće o Devel kova mangela tut.