SAR ŠAJ TE ĆHINAVA I MRŽNJA?
4 | Pobedin i mržnja uzi Devlesi pomoć
I Biblija phenela:
„A o plod ando duho tano: mangipe, radost, mir, strpljenje, ljubaznost, šukaripe, vera, blagost, samokontrola“ (GALATIMA 5:22, 23).
So značini akava?
Uzi Devlesi pomoć šaj te ćhinava i mržnja. Oleso sveti duh šaj te pomožini amen te barjaćera o osobine kola niked na bi šaj kokri te barjaćera. Ako mangaja te ćhinava i mržnja šukar bi ovela te oslonina amen ko Devel, a na upro amende. Ako ćeraja ađahar, ka osetina amen sar o apostol Pavle, kova pisinđa: „Sa šaj te ćerav prekalo okoleste kova dela man zoralipe“ (Filipljanima 4:13). Tegani hem amen ka phena: „I pomoć avela maje ando Jehova“ (Psalam 121:2).
So šaj tu te ćere?
„Kotar jekh nasilno manuš, o Jehova ćerđa te ovav jekh mirno hem krotko manuš.“ (VALDO)
Celone vileja molin e Jehova te del tut po sveti duh (Luka 11:13). Rode olestar te pomožini tut te barjaćere o šuže osobine. Proučin ando osobine kola ka pomožinen tut te cide i mržnja, sar soj tane o mangipe, o mir, o strpljenje hem i samokontrola. Dikh sar šaj te mothove odola osobine ko to životi. Družin tut okolencar kola trudinena pe te ovel len asavke osobine. Asavke amala šaj te pomožinen tut te sikljove sar te mange averen hem sar te ćere odova soj tano šukar (Jevrejima 10:24, fusnota).
