Da li pažljivo čitinđan akale beršese izdanja andi Stražarsko kula? Ako ja, tegani dikh šaj li te odgovorine ko akala pućiba:

Sar o Jehova ponašini pe premalo đuvlja?

O Jehova nane le predrasude premalo đuvlja. Ov na mangela e muršen pobuter ando đuvlja. Pažljivo šunela len hem olese tano važno sar osetinena pe hem save pharipa isi len. Ov isi le poverenje upro olende odolese hem dinđa len te propovedinen i šukar vest (w24.01, str. 15-16).

Sar šaj te primenina o lafija ando Efešanima 5:7, kuri pisini: „Ma te ovel tumen ništa olencar“?

O apostol Pavle upozorinđa amen te na družina amen okolencar kola na pomožinena amen te ićera amen ko Devlese merilija. Odola šaj te oven na samo o manuša kolencar provodinaja vreme uživo, već hem okola kolencar družinaja amen prekalo društvena mreže (w24.03, str. 22-23).

So te ćera ked šunaja hovavne priče?

Valjani te ova oprezna hem te proverina o priče kola avena ando phralja hem phenja, o mejlija ando manuša kolen na đanaja hem te pazina amen ando otpadnikija kola samo ćerena pe soj tane zainteresovano asi šukar vest (w24.04, str. 12).

So đanaja hem so na đanaja ando odova sar o Jehova ka sudini e Solomonese, e manušenđe kola mulje ki Sodoma hem Gomora hem ko Potop?

Amen na đanaja da li o Jehova odlučinđa zauvek te uništini akale manušen. Ama, đanaja so ov isi le sa o činjenice hem so isi le baro milosrđe (w24.05, str. 3-4).

Ko so uverini amen odova so o Devel tano amari „Stena“? (Pon. zak. 32:4)

Ov šaj te ovel amaro „utočište“. Ov tano „pouzdano“, uvek ićeri pe ko po lafi. Ov tano „stabilno“ niked na menini pi ličnost hem pi namera (w24.06, str. 26-28).

Sar šaj te prilagodine tut ki nevi skupština?

Oslonin tut upro Jehova, kova ka pomožini tut sar so pomožinđa pe slugenđe ko purano vreme. Ma uporedin i nevi hem i purani skupština. Ov aktivno ki skupština hem trudin tut te arakhe tuće neve amalen (w24.07, str. 26-28.)

So šaj te sikljova kotar trin poređenja ando Matej 25. poglavlje?

O poređenje ando bakre hem jarcija istaknini kobor tano važno te aćhova verna. O poređenje ando razborita hem diline ćhaja naglasini kobor tano važno te ova spremna hem đangavde. O poređenje ando talantija istaknini kobor tano važno te ova bućarne (w24.09, str. 20-24).

Kobor hine ućo o predvorje ando Solomoneso hram?

Ki 2. Letopisa 3:4 ko disave manuskriptija pisini so hine ućo 120 lakatija, so značini so odova hine jekh kula ando 53 metre. A ko avera pouzdana tekstija pisini so hine ućo 20 lakatija ili skoro enja metre. Akava poslednjo izgleda so uklopini pe odoleja kobor o zidija hine thule (w24.10, str. 31).

So aso jekh sluga pomoćniko značinena akala lafija: „Valjani te ovel len samo jekh romni“? (1. Tim. 3:12)

Odova značini so valjani te ovel le samo jekh romni hem so na valjani te ćerel nemoral. Isto ađahar, niked na valjani te ovel le romantična osećanja premali aver romni (w24.11, str. 19).

Sose šaj te phena so o lafija ando Jovan 6:53 na odnosinena pe ko odova so o Isus phenđa ki Gospodesi večera?

Ko Jovan 6:53 vaćeri pe ando odova so valjani te ha e Isuseso telo hem te pija oleso rat. O Isus akala lafija phenđa ko 32. berš ki Galileja hem odova e Jevrejenđe kola pana na mothovđe vera koro leste. Ama, e Gospodesi večera hine ićerdi jekh berš palo odova ko Jerusalim. O Isus tegani vaćerđa okolencar kola ka vladinen oleja ko nebo (w24.12, str. 10-11).