DUJ terne romnja zajedno phirđe ko poslovno deo andi diz Baguio, ko Filipini. On dikhlje amari kolica, ama na alje te len diso. I Helen, i phen koja terdilji uzi kolica, ked dikhlja len hine la osmeh ko muj. O romnja nastavinđe pe drumoja, ama e Helenako osmeh oduševinđa len.

Kasnije, ked on irinđe pe autobuseja ćhere, on dikhlje amaro znak jw.org ki jekh dvorana. On setinđe pe so odova isto znak dikhlje hari angleder ked nakhlje uzi kolica. On ikljilje ando autobus hem đelje đi i dvorana. Odothe dikhlje o raspored aso sastankija kola ićerena pe ki odija dvorana.

Odola duj romnja alje ko amaro sastanko. Hem kas dikhlje ked khuvđe ki dvorana? Amare phenja, e Helena. On odmah penđarđe la sar e osoba koja isi la baro osmeh. I Helen phenela: „Ked dikhljum len so đana premalo mande hijum le hari nervozno. Mislinđum so možda ćerđum diso pogrešno.“ Ama, o romnja objasninđe e Helenaće, so desinđa pe.

Odola terne romnja uživinđe ko sastanko hem ko društvo amare phralencar hem e phenjencar. Odmah osetinđe pe so samći tane ćhere. Ked dikhlje sar avera čistinena i dvorana palo sastanko, on pućlje da li hem on šaj te pomožinen. Jekh ando romnja više na živini ki odija phuv, ama aver romni počminđa te avel ko amare sastankija hem te proučini i Biblija. Sa odova ulo sebepi jekh osmeh!