KI SREDA sabalje, ko 24. januar ko 2018. berš, ki Amerika hem ki Kanada i betelsko familija šuja jekh but šužo haberi: O phral Kenet Kuk ulo nevo član ko Vodeće telo ando Jehovase svedokija.

O phral Kuk bijandilo hem barilo ki Pensilvanija, ki Amerika. Hari angljeder so završija i srednjo škola ov pendžardža o čačipe kotar jekh školsko amal, a krstija pe ko 7. jun ko 1980. berš. Ov počmija i punovremeno služba sar opšto pioniri, kotar 1. septembar ko 1982. berš. Duj berš palo odova, hine vičimo te džal ko Betel, a i betelsko služba počmija ko Volkil, ko 12. oktobar ko 1984. berš.

O phral Kuk 25 berš služija ko razna zadatkija sar soj tane te čerel ki štamparija hem ko avera odeljenja ko Betel. Ko 1996. berš, ov ženisalo jekha phenja koja vičini pe Džejmi hem on zajedno nastavije te služinen ko Betel ko Volkil. Ko decembar 2009. berš, o phral hem i phen Kuk hine bičhalde te služinen ko Paterson kuri tane amare škole. Odothe o phral Kuk hine čhivdo te čerel buti ko Odeljenje kuri resena hem bičhaljena pe o ljila. Ko april 2016. berš, palo odova so haričkane irije ljen ko Volkil, o phral hem i phen Kuk hine bičhalde te služinen ko Bruklin. Palo pandž masek hine bičhalde ko amaro glavno sedište ko Vorvik. Ko januar ko 2017. berš, o phral Kuk hine čhivdo te služini sar pomoćniko ko Odbor pisibase.