1-2. (a) So o narodija pana hari ka objavinen? (b) Ko kola pučiba ka dobina odgovor?

ZAMISLIN so o vođe ko sveto objavindže „ o mir hem i sigurnost“. On šaj hvalinena pe so ko sveto niked na hine odobor baro mir. On ka mangen amen te mislina so on tane sposobna te rešinen sa e manušenge problemija. Ama, on nisar našti te utičinen upro odova so valjani te ovel. Sose našti? Ki Biblija pisini so tegani „iznenada ka resel ljen o uništenje... hem na ka našen“ (1. Sol. 5:3).

² Isi nekobor važna pučiba ko kola amendže valjani odgovor: So ka ovel ki „bari nevolja“? So o Jehova ka adžičeri amendar te čera? Hem sar šaj akana te spremina amen te ačhova verna dži trajini i bari nevolja? (Mat. 24:21).

3. Premalo Otkrivenje 17:5, 15-18, sar o Devel ka uništini o Baro Vavilon?

³ Čitinen Otkrivenje 17:5, 15-18. O „Baro Vavilon“ ka ovel uništimo! Sar so vačerdžam angljeder, o vladarija nisar našti te utičinen upro odova so ka ovel ko odova vreme. Sose našti? Odoljese so „o Devel ko vilo čhivdža ljendže te čeren oljesi zamisao“. Odija zamisao tani te uništinen sa o hovavne religije, kuri tane uključime o hrišćanska religije. * O Devel ka čhivel pi zamisao ko vilo ando „deš šinga“ kotar i „skerletno zver“. O deš šinga  predstavinena sa o politička sile kola podržinena odija „skerletno zver“ – o Ujedinjena nacije (Otkr. 17:3, 11-13; 18:8). Ked akala politička sile ka napadinen i hovavni religija, odova ka ovel znak so i bari nevolja počmindža. Odova ka ovel jekh iznenadno hem strašno događaj kova ka utičini ko sa o manuša ki phuv.

4. (a) So o vladarija šaj ka phenen, sose napadinena i hovavni religija? (b) So o manuša kola hine ko odola religije verovatno ka čeren?

⁴ Amen na džanaja so o vladarija ka phenen, sose napadinena o Baro Vavilon. On šaj te phenen so sebepi o religije nane mir ko sveto hem so uvek mešinena pe ki politika. Ja šaj te phenen so odola religiozna organizacije čedindže baro barvaljipe hem materijalna buča (Otkr. 18:3, 7). Ked o vladarija ka napadinen i hovavni religija on verovatno na ka uništinen sa e manušen kola tane ko odola religije. Izgleda so oljengo cilj ka ovel te uništinen o religiozna organizacije. Ked odola organizacije ka oven uništime, tegani o manuša ka haljon so oljenge vođe našti te čeren odova so on obećindže ljendže. Odoljese o manuša kola hine ko odola organizacije ka phenen so on nane ljen ništa odolje religijencar.

5. So o Jehova obećindža hem sose?

⁵ I Biblija na mothovi kobor ka trajini o uništenje ando Baro Vavilon, ama džanaja so na ka trajini odobor but (Otkr. 18:10, 21). O Jehova obećindža so ka „skratini odola dive“ andi odija nevolja, te šaj oljese pomazanikija te preživinen hem i čačutni religija te ačhol ki phuv (Mar. 13:19, 20). Ama, so o Jehova ka rodel amendar te čera maškar i bari nevolja hem o Armagedon?

6. Sose nane dovoljno samo te ikljova andi hovavni religija?

⁶ Sar so dikhljam ko članko angljeder akava, o Jehova adžičeri ando peklje  sluge te ikljoven ando Baro Vavilon. Ama, odova nane dovoljno. Amen valjani te ova odlučna te služina e Jehovase. Te dikha duj načinja sar šaj te čera odova.

7. (a) Sar šaj zoralje te ičera amen ko e Jehovase moralna merilija? (b) Sose o Jevrejima 10:24, 25 phenena soj tano važno te čeda amen hem sose tano važno odova te čera akana?

⁷ Sar prvo, valjani zoralje te ičera amen ko e Jehovase moralna merilija. Amen niked na valjani te odobrina o nemoralno ponašanje ko akava sveto. Na primer, amen nisar na ka podržina o seksualno nemoral ko bilo kova oblik, sar soj tano o brak maškaro duj murša ja duj džuvlja niti ljengo način života (Mat. 19:4, 5; Rimlj. 1:26, 27). Sar dujto, amen valjani hem ponodri te služina e Jehovase amare phraljencar hem e phenjencar. Odova čeraja ki dvorana, ko amare phraljenge čhera ja čak čorjalje. So god te ovel, na ka čhinava te dža ko sastankija. Valjani te čeda amen „sa pobuter so [dikhaja] so o dive tano popaše“. (Čitinen Jevrejima 10:24, 25.)

8. Sar o haberi kova akana propovedinaja izgleda ka menjini pe?

⁸ Ki bari nevolja, o haberi kova propovedinaja izgleda ka menjini pe. Akana, amen propovedinaja o šukar haberi ando e Devljeso Kraljevstvo hem čeraja učenikonen. Ama, ko odova vreme, amen šaj ka propovedina o haberi kova e manušendže ka ovel sar bari kukudi (Otkr. 16:21). Šaj ka propovedina so e Bengeso sveto pana hari ka ovel uništimo. Sar džala o vreme, amen ka džana kova tačno ka ovel amaro haberi hem sar ka vačera lje e manušendže. Da li ka koristina ista metode kola beršencar koristindžam ki služba? Ja da li ka koristina avera metode? Na džanaja. Sar god ka ovel, izgleda so amen ka ovel amen bari čast te propovedina e Jehovasi poruka andi osuda (Jezek. 2:3-5).

9. Sar o vladarija šaj ka reagujinen, ama ko so šaj amen te ova uverime?

⁹ Verovatno, sebepi amaro haberi kova ka vačera, o vladarija ka pokušinen te čhinaven amen te propovedina. Ama, sar so akana osloninaja amen upro Jehova te pomožini amen ki služba hem tegani ka valjani te oslonina amen upro ljeste. Šaj te ova uverime so amaro Devel ka del amen bari snaga te šaj te čera oljesi volja (Mih. 3:8).

10. Sar soj tano mothovdo ko Luka 21:25-28, sar upro manuša ka utičinen o buča kola ka oven ki bari nevolja?

¹⁰ Čitinen Luka 21:25-28. Ki bari nevolja, o manuša ka oven šokirime ked ka dikhen so počmini te propadini sa odova so mislindže so ka trajini večno. On ka oven ko „pharipa“ hem ka daran pe dživdipase ko odova najlošno vreme kova ka ovel ki manušikani istorija (Sof. 1:14, 15). Ko odova vreme, o dživdipe verovatno ka ovel pana popharo čak hem e Jehovase slugendže. Odoljese so na hijam deo ando akava sveto, ka ovel amen disave pharipa. Šaj na ka ovel amen odova so ka valjani amendže.

11. (a) Sose e Jehovase svedokija e manušendže hem e vladarendže ka oven sar karo ani jakh? (b) Sose na valjani te dara ki bari nevolja?

¹¹ Ko jekh trenutko, o manuša kase religije ka oven uništime, ka oven but holjame sebepi so e Jehovase svedokonengi religija nane uništimi. On šaj ka  mothoven kobor tane holjame, čak hem prekalo internet. O manuša hem oljengo vladari o Beng, ka mrzinen amen sose ka postojini samo amari religija. O vladarija na ka ispuninen poklo cilj te uništinen sa o religije kola tane ki phuv. Odoljese, amen ka ova ljendže sar karo ani jakh. Tegani, o narodija ka preuzminen i uloga kotar Gog ando Magog. * On ka čeden pe hem ka koristinen piklji moć te napadinen e Jehovase narodo (Jezek. 38:2, 14-16). Amen šaj ka počmina te brinina amen, sebepi so na džanaja so tačno ka ovel. Ama, jekh buti tani sigurno: Amen na valjani te dara ki bari nevolja. O Jehova ka del amen uputstvija sar te preživina (Ps. 34:19). Tegani, amen ka ovel amen snaga te čera odova so pisini ki Biblija: „Terdžoven hem vazden tumaro šero“ sose ka džana so amaro „spasenje tano paše“. *

12. Sar o „verno hem o razborito robo“ pripremini amen aso odova so ka ovel ki budućnost?

¹² O „verno hem o razborito robo“ ko nekobor načinja pripremini amen te ačhova verna ki bari nevolja (Mat. 24:45). Na primer, prekalo amare regionalna kongresija kola hine kotar 2016-2018. berš. Ko odola kongresija dikhljam sar šaj te zorjačera o osobine kola valjanena amendže sar tano e Jehovaso dive sa popaše. Te dikha nekobor ando odola osobine.

13. Sar šaj te zorjačera amari vernost premalo Jehova hem sose valjani odova te čera akana?

¹³ Vernost: I tema ando kongres ko 2016. berš hine „Oven verna e Jehovase“. Ko akava kongres sikljiljam so ako isi amen paše odnos e Jehovaja, amen ka ova oljese verna. Odothe podsetindžam amen so šaj te ovel amen paše odnos e Jehovaja ako iskreno molinaja amen oljese hem ako svako dive čitinaja oljeso Lafi. Ked čeraja akava, šaj te ova zoralje hem šaj te izdržina čak hem o najbare pharipa. Sar i bari nevolja avela sa popaše, amen šaj te adžičera so amari vernost premalo Devel hem oljeso Kraljevstvo ka ovel sa poviše iskušimi. Verovatno hem pana ponodri o manuša ka maren amendže muj (2. Petr. 3:3, 4). Akava šaj te ovel sebepi so amen na podržinaja akalje Bengeso sveto. Amen valjani te zorjačera amari vernost akana te šaj te ačhova verna ki bari nevolja.

14. (a) Ko ka predvodini amen ki bari nevolja? (b) Sose valjani te ova verna ko odova vreme?

¹⁴ Ki bari nevolja, ka ovel promena ko odova ko ka predvodini ki phuv. Ko jekh trenutko, sa o pomazanikija kola tane ki phuv ka oven ljende ko nebo te šaj te borinen pe ko Armagedon (Mat. 24:31; Otkr. 2:26, 27). Odova značini so o Vodeće telo više na ka ovel amencar ki phuv. Ama, o baro mnoštvo ka ovel organizujimo. O iskusna phralja kola tane deo ando avera bakre, tegani ka predvodinen ki phuv. Amen ka valjani te mothova amari vernost e Jehovase adžahar so ka podržina akalje phraljen hem so ka šuna sa o uputstvija kola on ka dobinen  ando Devel. Ako mangaja te ačhova dživde, valjani te šuna odola uputstvija.

15. Sar šaj te zorjačera amari istrajnost hem sose tano važno odova te čera akana?

¹⁵ Istrajnost: I tema ando kongres ko 2017. berš hine „Ma otkažin tut!“ Akava kongres pomožindža amendže te ova istrajna ked isi amen pharipa. Sikljiljam so amari istrajnost na zavisini ando šukar okolnostija, nego ando odova kobor osloninaja amen ko Jehova (Rimlj. 12:12). Na valjani niked te bistra e Isuseso obećanje: „Ko istrajini dži o krajo, ov ka ovel spasimo“ (Mat. 24:13). Akava obećanje mothovi so valjani te ačhova verna save god pharipa te ovel amen. Ako amen izdržinaja sa o pharipa kola isi amen akana, amari vera ka ovel pana pozoralji angljeder so ka počmini i bari nevolja.

16. Kotar avela amari hrabrost hem sar šaj akana te zorjačera amari hrabrost?

¹⁶ Hrabrost: I tema ando kongres ko 2018. berš hine „Ov hrabro!“ Akava kongres pomožindža amendže te setina amen so amari hrabrost na avela ando amare sposobnostija. Sar so valjani te oslonina amen ko Jehova te šaj te ova istrajna, adžahar valjani te oslonina amen ko Jehova te šaj te ova hrabra. Sar šaj te sikljova pobuter te oslonina amen ko Jehova? Valjani svako dive te čitina oljeso Lafi hem hor te razmislina sar o Jehova ko purano vreme spasindža pe narodo (Ps. 68:20; 2. Petr. 2:9). Ked o vladarija ka napadinen amen ki bari nevolja, tegani ka valjani te ova hrabra hem te mothova poverenje ko Jehova sar niked angljeder (Ps. 112:7, 8; Jevr. 13:6). Ako osloninaja amen ko Jehova akana, ka ovel amen hrabrost koja ka valjani amendže ked ka napadini amen o Gog ando Magog. *

17. Sose na valjani te dara ando Armagedon? (Dikh i slika ko početko ando akava časopis.)

¹⁷ Sar so dikhljam ko članko angljeder akava, but amendar celo po dživdipe živindže ko poslednja dive. Ama, isi amen  nada so šaj te preživina i bari nevolja. Ko Armagedon celo e Bengeso sveto ka ovel uništimo. Nane amen sostar te dara, odoljese so odova ka ovel e Devljeso maribe (Posl. 1:33; Jezek. 38:18-20; Zah. 14:3). Ked o Jehova ka zapovedini, tegani o Isus ka ljegari e Devljese vojska ko maribe. Oljeja ka oven o pomazana hrišćanja hem milijarde anđelija. On zajedno ka maren pe protiv o Beng, oljese demonja hem oljengi vojska koja tani ki phuv (Dan. 12:1; Otkr. 6:2; 17:14).

18. (a) So obećindža amendže o Jehova? (b) Sar o Otkrivenje 7:9, 13-17 uverini tut so o Devel ka spasini tut?

¹⁸ O Jehova dindža po lafi: „Nisavo oružje kova tano čerdo protiv tute na ka ovel uspešno“ (Is. 54:17). O „baro mnoštvo“ ando e Jehovase verna sluge, ka „[aven] andi bari nevolja“ dživde. Palo odova, on ka nastavinen te služinen ljese. (Čitinen Otkrivenje 7:9, 13-17.) I Biblija uverini amen so o Devel ka spasini amen. Amen džanaja so „o Jehova arakhi okoljen kola tane oljese verna“ (Ps. 31:23). Sa okola so mangena hem hvalinena e Jehova ka ovel ljen prilika te dikhen sar oljeso nav ka ovel posvetimo (Jezek. 38:23).

19. Koja šukar budućnost adžičeri amen pana hari?

¹⁹ Razmislin so bi pisini ki 2. Timoteju 3:2-5 ked bi valjani te oven opisime o manuša ko nevo sveto upro kola na utičini o Beng. (Dikh o okvir „ Save ka oven o manuša tegani?“) O phral Džordž Gangas, * kova hine član ko Vodeće telo, vačeri sar ov zamislini save ka oven o manuša: „O sveto ka ovel jekh but šukar than kuri sare ka služinen e Jehovase. Pana hari, ka ovel tut čast te živine ko nevo sveto. Ka živine odobor kobor o Jehova živini. Amen ka živina večno.“ Savi šuži nada!