ČLANKO PROUČIBASE 39
„Dikhljum baro mnoštvo“
Palo odova dikhljum baro mnoštvo, koljen niko naštindža te dženel... sar terdžona anglo presto hem anglo Bakro (OTKR. 7:9)
DŽILI 60 Za mnoge to će biti spas
SOSTAR KA VAČERA *
1. Ki savi situacija hine o apostol Jovan?
KORO 95. berš, ki nevi era o apostol Jovan hine ki but phari situacija. Ov purandilo hem hine paldimo ko ostrvo Patmos, hem šaj hine jedino kova ačhilo ando apostolija (Otkr. 1:9). Džandža so o protivnikija sikavdže hovajbe hem so sebepi oljengo hine podele ki skupština. Dičhilo ljese so pana hari više nane te oven prava hrišćanja (Juda 4; Otkr. 2:15, 20; 3:1, 17).
O apostol Jovan dikhlja o „baro mnoštvo“ kova tano uravdo ko parne fistanja hem ičerena e palmake granke ko peklje vasta (Dikh o 2. odlomko)
2. Premalo Otkrivenje 7:9-14, savi vizija o Devel dindža e Jovanese? (Dikh i slika ko početko ando akava časopis.)
2 Ked o Jovan hine ki akija phari situacija, o Devel dindža lje jekh vizija andi budućnost. Ki odija vizija, e anđelendže tano vačerdo te ičeren o zoralje bavlala andi bari nevolja, sa dži o robija ando amaro Devel nane završno obeležime pečateja (Otkr. 7:1-3). Ki akija grupa tane o 144 000 manuša kola ka vladinen e Isuseja ko nebo (Luka 12:32; Otkr. 7:4). Ki odija vizija, o Jovan dikhlja pana jekh grupa koja hine odobor bari so ov phendža: „Palo odova dikhljum baro mnoštvo, koljen niko naštindža te dženel, ando sa o narodija hem plemenija hem nacije hem čhibja, sar terdžona anglo presto hem anglo Bakro.“ (Čitinen Otkrivenje 7:9-14.) O Jovan hine but bahtalo te džanel so ki budućnost ka oven manuša kola ka služinen e Devljese ko ispravno način.
3. (a) Sose e Jovanesi vizija valjani te zorjačeri amari vera? (b) So ka sikljova ko akava članko?
3 Šaj te ova sigurna so odija vizija čerdža e Jovanesi vera te ovel pobari. Ama, odija vizija pana pobuter zorjačeri amari vera, sose oj ispunini pe ko amaro vreme. Amen dikhaja sar čedena pe but manuša kola isi ljen nada
so ka preživinen i bari nevolja hem so ka živinen večno ki phuv. Ko akava članko, amen ka sikljova sar o Jehova koro 80 berš angljeder mothovdža amendže koj tano o baro mnoštvo. Palo odova ka dikha duj buča ando odova mnoštvo: (1) soj tano but baro hem (2) okola soj tane deo ando baro mnoštvo avena kotar celo sveto. Sa akava so ka dikha valjani te zorjačeri i vera kotar sa okola soj tane ki akija grupa.KAJ KA ŽIVINI O BARO MNOŠTVO?
4. Kova e biblijako čačipe na sikavena o hrišćanska crkve hem sar o Istraživačija andi Biblija hine averčhane?
4 I Biblija sikavi so o poslušna manuša zauvek ka živinen ki phuv. Ama, o hrišćanska crkve na sikavena e manušen odoljestar (2. Kor. 4:3, 4). O hrišćanska crkve phenena so sa o šukar manuša palo meribe ka džan ko nebo. Ama, jekh tikni grupa, o Istraživačija andi Biblija, kola počmindže ando 1879. berš te izdajinen i Stražarsko kula, hine averčhane. On haljilje so o Devel paljem ka čerel o raj ki phuv hem so milionja poslušna manuša ka živinen akate ki phuv, a na ko nebo. Ama, valjandža ljendže vreme te haljon koj tane odola poslušna manuša (Mat. 6:10).
5. So o Istraživačija andi Biblija haljilje ando 144 000?
5 O Istraživačija andi Biblija haljilje ando e Devljeso Lafi so jekh grupa ando manuša ka oven „činde kotar i phuv“ te vladinen e Isuseja ko nebo (Otkr. 14:3). Ki odija grupa tane o 144 000 hrišćanja kola dindže po dživdipe e Devljese hem služindže ljese verno sa dži hine ki phuv. Ama, ko so verujindže kotar o baro mnoštvo?
6. So o Istraživačija andi Biblija verujindže kotar o baro mnoštvo?
6 Ki vizija koja hine dindi e Jovanese, ov dikhlja sar jekh grupa terdžola „anglo presto hem anglo Bakro“ (Otkr. 7:9). Sebepi akala lafija, o Istraživačija andi Biblija verujindže so o baro mnoštvo isto sar hem o 144 000, ka živini ko nebo. Ama, ako solduj grupe ka oven ko nebo, tegani sar ka razlikujinen pe? On mislindže so ko baro mnoštvo ka oven o hrišćanja kola na šundže e Devlje ko sa dži hine ki phuv. Šaj živindže premalo e biblijake načelija, ama šaj pana hine deo ando hrišćanska crkve. Mislindže so on manglje e Devlje, ama na odobor te šaj te vladinen e Isuseja. Odoljese so oljengo mangipe premalo Devel na hine odobor zoralo, o baro mnoštvo šaj te ovel ko nebo anglo presto, ama na te bešel ko presto.
7. So verujindže o Istraživačija andi Biblija, ko ka živini ki phuv dži trajini e Hristesi vladavina? So ka ovel e verno manušencar kola mulje angljeder o Hrist?
7 Ama, ko ka živini ki phuv? O Istraživačija andi Biblija verujindže so najangljeder o 144 000 hem o baro mnoštvo, ka oven čedime ko nebo. Palo odova, bute avere manušendže ka ovel dozvolimo te živinen ki phuv hem te doživinen sa o blagoslovija kola ka anel e Hristesi vladavina koja ka trajini hiljada berša. On verujindže so odola manuša na ka služinen e Devljese angljeder so ka počmini e Hristesi vladavina. On hine uverime so akala manuša ka sikljon ando Jehova dži trajini e Hristesi vladavina. Palo odova, sa okola so šunena e Devlje ka dobinen večno dživdipe ki phuv, a okola so buninena pe ka oven uništime. Isto adžahar, o Istraživačija andi Biblija mislindže so Ps. 45:16).
okola so tegani ka služinen sar „knezija“ ki phuv hem o verna manuša kola mulje angljeder o Hrist, šaj ka dobinen i nagrada te živinen ko nebo ko krajo andi e Hristesi vladavina (8. So mislindžam angljeder, kola trin grupe ka ovel ljen deo ki e Devljesi namera?
8 O Istraživačija andi Biblija mislindže so isi trin grupe: (1) o 144 000 kola ka vladinen e Isuseja ko nebo, (2) o baro mnoštvo kova tano čerdo ando hrišćanja kola nane odobor revna hem kola ka oven anglo e Isuseso presto ko nebo, hem (3) milionja manuša kola ka oven ki phuv hem ka sikljon ando Jehova dži trajini e Hristesi vladavina. * Ama, palo odova o Jehova pomožindža ljen pošukar te haljon akija tema (Posl. 4:18).
O ČAČIPE POŠUKAR HALJOLA PE
Ko kongres kova hine 1935. berš, but okoljendar kola isi ljen nada te živinen ki phuv krstindže pe (Dikh o 9. odlomko)
9. (a) Sar o baro mnoštvo kova tano ki phuv terdžola „anglo presto hem anglo Bakro“? (b) Sose o čačipe ando Otkrivenje 7:9 kova akana pošukar haljovaja tano logično?
9 Ko 1935. berš, e Jehovase svedokija haljilje koj tano o baro mnoštvo andi e Jovanesi vizija. On tegani haljilje so o baro mnoštvo na valjani te ovel ko nebo te šaj te terdžol „anglo presto hem anglo Bakro“. On čerena odova ko simbolično način. Iako on ka živinen ki phuv, o baro mnoštvo terdžola „anglo presto“ adžahar so priznajini e Jehova sar Najbaro Vladari hem mothovi so poštujini oljeso autoritet adžahar so šunela lje (Is. 66:1). Isto adžahar, on terdžona „anglo Bakro“ adžahar so mothovena vera ki e Isusesi otkupno žrtva. Ko Matej 25:31, 32 vačeri pe so „sa o narodija“ hem okola soj tane lošna, ka oven čedime anglo e Isuseso presto. Haljola pe so sa akala narodija nane ko nebo, već ki phuv. O čačipe kova akana pošukar haljola pe tano logično. Sebepi odova amen haljovaja sose ki Biblija na vačeri pe so o baro mnoštvo ka ovel ko nebo. Jedino grupa kolače tano vačerdo so ka živini ko nebo tane o 144 000 kola ka vladinen „sar kraljija upri phuv“ e Isuseja (Otkr. 5:10).
10. Sose o baro mnoštvo valjani te sikljol ando Jehova hem te služini oljese angljeder so počmini e Hristesi vladavina?
10 Kotar 1935. berš, e Jehovase svedokija verujinena so o baro mnoštvo andi e Jovanesi vizija tano i grupa ando verna hrišćanja kola isi ljen nada so ka živinen večno ki phuv. Te šaj te preživini i bari nevolja, o baro mnoštvo valjani te sikljol kotar Jehova hem te služini oljese angljeder so počmini e Hristesi vladavina. Oljengi vera valjani te ovel zoralji te šaj te „našen kotar sa akala buča so valjani te oven“ angljeder so o Isus ka počmini te vladini (Luka 21:34-36).
11. Sose o Istraživačija andi Biblija mislindže so disave ka živinen ko nebo palji e Hristesi vladavina?
11 Sar alo dži odova te verujina so o verna hrišćanja kotar i phuv ka oven ljende te živinen ko nebo palji e Hristesi vladavina? Ki Stražarsko kula kotar 15. februar 1913. berš, hine vačerdo odoljestar. Ama, disave tegani šaj hine te razmislinen: „Sose e Devljese verna sluge ando purano vreme ka živinen ki phuv, a o hrišćanja kola na hine odobor verna e Devljese ka živinen ko nebo?“ Oljengo razmislibe temeljindža pe ko duj buča kola pogrešno haljilje: (1) so o baro mnoštvo ka živini ko nebo hem (2) so ko baro mnoštvo tane o hrišćanja kola nane odobor revna.
12-13. So hem o pomazanikija hem o baro mnoštvo haljona ked vačeri pe kotar i nagrada?
Otkr. 7:10, 14). Isto adžahar, e Devljeso Lafi sikavi so okola so isi ljen nada te živinen ko nebo dobinena „diso pošukar“ nego o verna manuša ando purano vreme (Jevr. 11:40). Premalo odova so sikljilje, amare phralja počmindže aktivno te roden e manušen kola ka služinen e Jehovase hem kola večno ka bešen ki phuv.
12 Sar so dži akana dikhljam, kotar 1935. berš, e Jehovase svedokija pošukar haljilje so okola so ka preživinen o Armagedon tane o baro mnoštvo andi e Jovanesi vizija. On ka aven „andi bari nevolja“ koja ka ovel akate ki phuv hem ka vičinen bare glasoja: „O spasenje avela ando amaro Devel, kova bešela ko presto, hem ando Bakro!“ (13 O baro mnoštvo tano but bahtalo sebepi i nada koja isi lje. On haljona so o Jehova odlučini kaj o verna manuša ka služinen, da li ko nebo ja ki phuv. O solduj grupe, hem o pomazanikija hem o baro mnoštvo haljona so on nisar na zaslužindže i nagrada, već o Jehova mothovdža oljendže poklo bizaslužimo šukaripe prekali e Hristesi otkupno žrtva (Rimlj. 3:24).
O BARO MNOŠTVO TANO BUT BARO
14. Sose but amare phralja hem phenja pučlje pe sar ka ispunini pe o proročanstvo ando baro mnoštvo?
14 Ked ko 1935. berš haljiljam koj tano o baro mnoštvo, but amare phralja hem phenja pučlje pe sar ka barjol o broj ando okola so ka živinen ki phuv. Na primer, amaro phral, o Ronald Parkin, hine lje 12 berš ked hine objasnimo koj tano o baro mnoštvo. Ov phenela: „Tegani, hine 56 000 objaviteljija ko celo sveto hem but oljendar, šaj hem on sare hine pomazanikija. Odoljese, na dičhilo so o baro mnoštvo tano odobor baro.“
15. Sar o broj ando baro mnoštvo ulo pobaro?
15 Palo odova, o misionarija hine bičhalde ko but phuvja hem o broj ando e Jehovase svedokija but barilo. Kotar 1968. berš, počmindžam te koristina i knjiga Istina koja vodi do večnog života, te šaj te sikava e manušen o čačipe andi Biblija. Sebepi so e biblijako čačipe hine lokho te haljol pe, ki e Jehovasi organizacija alje pobuter manuša nego iked angljeder. Aso štar berš krstindže pe 500 000 džene. Ki Latinsko Amerika hem ko avera phuvja i katoličko crkva više na hine la odobor baro uticaj. Ki Istočno Evropa hem ko disave Is. 60:22). Hem ko amaro vreme, e Jehovasi organizacija dela amen but korisna alatija te šaj te pomožina e manušendže te haljon so i Biblija sikavi. Uverime hijam so o Jehova čedela o baro mnoštvo ko kova avdije isi pobuter ando ofto milionja manuša.
thana ki Afrika amaro delo više na hine ograničimo hem odoljese milionja manuša krstindže pe (O BARO MNOŠTVO AVELA KOTAR CELO SVETO
16. Kotar avena okola soj tane ko baro mnoštvo?
16 Ked o Jovan pisindža i vizija, dikhlja so okola soj tane ko baro mnoštvo avena kotar „sa o narodija hem plemenija hem nacije hem čhibja“. O prorok Zaharija pisindža diso slično kotar i budućnost. Ov pisindža: „Ko odova vreme deš manuša kotar sa o čhibja kola vačerena o narodija ka doljen jekhe Judejco kotar fistani hem ka vačeren: ’Džaja tumencar, sose šundžam soj tano o Devel tumencar’“. (Zah. 8:23).
17. So čerela pe avdije te šaj te pomožini pe e manušendže kotar sa o nacije hem sa o čhibja?
17 E Jehovase svedokija haljona so valjani te propovedini pe ko but čhibja te šaj te čeden pe o manuša kotar sa o čhibja. Odoljese, pobuter ando 130 berš, on Mat. 24:14; Jov. 13:35).
prevodinena e biblijake publikacije koljencar proučini pe i Biblija. Avdije, više nego iked angljeder, odola publikacije prevodinena pe ko but čhibja. Čače, o Jehova čerela najbaro čudo avdije – čedela e manušen ando sa o narodija. Odoljese so i duhovno hrana isi ko but čhibja, sare amen ko jekhipe služinaja e Jehovase iako avaja kotar celo sveto. E Jehovaso narodo pendžari pe palo mangipe hem palo odova so propovedini. Odova čače čerela amari vera te ovel pozorali (SO AKIJA VIZIJA ZNAČINI TUČE HEM MAJE?
18. (a) Premalo Isaija 46:10, 11, sose na hijam iznenadime so o Jehova ko asavko način ispunindža akava proročanstvo? (b) Sose okola so ka živinen ki phuv na mislinena soj tano oljendže diso uskratimo?
18 But hijam bahtalje dži dikhaja sar ispunini pe i vizija ando baro mnoštvo. Na hijam iznenadime so o Jehova ko asavko način ispunindža akava proročanstvo. (Čitinen Isaija 46:10, 11.) O baro mnoštvo čače cenini i nada koja o Jehova dindža oljendže. On na mislinena soj tano oljendže diso uskratimo odoljese so na ka služinen e Isuseja ko nebo. Ko e Devljeso Lafi, amen šaj te čitina ando murša hem džuvlja koljen vodindža o sveti duh, ama on nane deo kotar o 144 000. Jekh oljendar tano o Jovan Krstitelj (Mat. 11:11). O David tano pana jekh primer amendže (Dela 2:34). On hem but avera ka oven uskrsnime te živinen ko raj ki phuv. Hem on hem o baro mnoštvo ka ovel ljen prilika te mothoven soj tane verna e Jehovase hem so poštujinena oljeso autoritet.
19. Sar odova so ispunini pe e Jovanesi vizija ando baro mnoštvo mothovi so o vreme ko kova živinaja tano but važno?
19 Akava tano prvo puti so o Devel čedindža milionja manuša kotar sa o narodija te služinen ljese ko jekhipe. Bilo te živina ko nebo ja ki phuv, valjani te pomožina so pobuter manušendže te oven deo ando baro mnoštvo ja te phena ando „avera bakre“ (Jov. 10:16). Pana hari, o Jehova ka čerel te ovel i bari nevolja kolaja ka uništini o vladavine hem o religije kola andže bare pharipa e manušendže. Sa okola soj tane deo ando baro mnoštvo ka ovel ljen but šuži mogućnost. On zauvek ka služinen e Jehovase ki phuv (Otkr. 7:14).
DŽILI 139 Život u novom svetu