Sar šaj to lično proučavanje pana poviše te pomožini tut? O predlogija kolendar akana ka vaćera ka pomožinen tut pana poviše te ovel tut koncentracija ko to lično proučavanje.

• Birin jekh šukar than. Pokušin te arakhe jekh than kuri tano čisto, uredno hem kuri isi dovoljno svetlo te šaj šukar te čitine. Šaj te beše ko jekh astali ili te đa avrijal te arakhe jekh šukar than.

• Arakh than kuri šaj te ove kokri. O Isus volinđa „rano sabale“ te molini pe „ko jekh pusto than“ (Mar. 1:35). Ako našti te ove kokri đi proučineja, vaćer te porodicaja ja okolencar kasa živineja so ka proučine hem zamolin len na te prekininen tut đi proučineja.

• Ma mukh ništa te na prekinini tut. Ako koristineja o telefoni ja o tablet đi proučineja, mudar o zvuk ja ćhiv le ko avionsko režim. Isto ađahar, đi proučineja šaj ka setine tut so isi tut disave obaveze kola mora te ćere. Tegani, pisin tuće odova ko jekh lil hem mukh le ki strana hem nastavin te proučine. Ako desini pe tuće so nane tut koncentracija, tegani pošukar tano te ušte hem te ćere tikni pauza ađahar so ka phire hari ja ka ćere disave tikne vežbe.