Da li nekad hine tuće pharo te pamtine odova so proučinđan? Odova šaj sarinenđe te desini pe. So šaj te pomožini amen te pamtina? Valjani te ponovina o glavna mislija.

Đi proučineja, trudin tut hari te terđove hem te razmisline ando odova so čitinđan. O apostol Pavle ohrabrinđa e phralen hem e phenjen te ćeren odova đi čitinena oleso lil. Ov phenđa: „Akava tano glavno“ (Jevr. 8:1). Ađahar pomožinđa lenđe te haljon ko so mislinđa hem sar sa odova so phenđa tano povezimo.

Ko krajo ando to proučibe, šaj te odvojine deš minutija te razmisline ando odova so proučinđan. Ako našti te setine tut kola tane o glavna mislija, dikh palem o podnaslovija ja čitin i prvo rečenica kotar svako odlomko. Odova ka pomožini tut te setine tut sostar proučinđan. Ako sikljiljan diso nevo, trudin tut odova te objasnine te lafencar. Đi ka ponovine o glavna mislija, na samo so pošukar ka pamtine o buća, već hem ka dikhe sar odova materijali odnosini pe upro tute.