Da li pažljivo čitinđan akale beršese izdanja andi Stražarsko kula? Ako ja, tegani dikh šaj li te odgovorine ko akala pućiba:

Sose tano šukar te odvojina vreme te vaćera e Jehovaja, te šuna le hem te razmislina olestar?

Amen ka ana šukar odluke, ka ova pana pošukar učiteljija hem amari vera ka ovel pozorali (w22.01, str. 30-31).

Sar ka pomožini amenđe ako akana isi amen poverenje upro Jehova hem upro phralja kola predvodinena?

Akana tano o vreme te sikljova te verujina so e Jehovase odluke tane ispravna hem te podržina o odluke kola anena o starešine. Ked i bari nevolja ka avel, amen ka ova spremna te ićera amen ko smernice kola šaj na ka haljova (w22.02, str. 4-6).

Ko so o anđeo mislinđa ked phenđa so o Judejcija „ka radujinen pe ked ka dikhen o visak ko vasta ando [judejsko namesnik] o Zorovavelj?“ (Zah. 4:8-10)

O anđeo uverinđa e Devlese narodo so iako o hram nane sar okova angleder, ov ka ovel završimo hem ka ovel asavko savo o Jehova mangela (w22.03, str. 16-17).

Sar šaj te ova šukar primer ko odova sar vaćeraja? (1. Tim. 4:12)

Ađahar so ka ova ljubazna hem ka mothova poštovanje averenđe, ka đilaba celone vileja ko sastankija, ka da redovno komentarija, ka vaćera o ćaćipe hem na ka vaćera averendar palo dumo (w22.04, str. 6-9).

Sose o karakteristike ando štar zverija kola pominena pe ko Danilo 7. poglavlje isi la i zver koja pomini pe ko Otkrivenje 13: 1, 2?

I zver kolatar vaćeri pe ko Otkrivenje 13. poglavlje na predstavini samo jekh vladavina, avere lafencar, na predstavini samo o Rim. Umesto odova, akija zver predstavini sa o politička sile kola vladinđe upro manuša đi akana (w22.05, str. 9).

Sar šaj te mothova so isi amen poverenje so o Jehova pravedno ka sudini?

Ako neko povredinđa amen, na valjani te ićera i holi ano amende, već te mukha o buća ko Jehovase vasta. Ov ka cidel sa o lošnipe kova doživinđam (w22.06, str. 10-11).

So jekh phral kova molini pe ko sastanko na valjani te bistrel?

Tegani na valjani te del savetija ja te del disavo obaveštenje. Pogotovo ko početak ando sastanko na valjani te koristini „but lafija“ (Mat. 6:7; w22.07, str. 24-25).

Sar okola kola „ćerđe lošno“ ka ušten ko „uskrsenje ando suđenje?“ (Jov. 5:29)

Olenđe na ka sudini pe premalo odova so ćerđe angleder te meren. Umesto odova, olenđe ka sudini pe premalo odova sar ka reagujinen hem premalo odova so ka ćeren palo odova so ka uskrsninen (w22.09, str. 18).

Koja važno buti phenđa o phral Raterford ko kongres ko 1922. berš?

Ko kongres ko Sidar Point, ov phenđa: „Dikhen o Kralj vladini! Tumaro zadatko tano akava te vaćeren sarinenđe. Odolese, objavinen, objavinen, objavinen e Kralje hem oleso Kraljevstvo!“ (w22.10, str. 3-5).

Premalo Isaija 30. poglavlje, ko kola trin načinija o Jehova pomožini amen te istrajina ko pharipa?

Akava poglavlje phenela so o Jehova (1) šunela amen hem odgovorini ko amare molitve, (2) vodini amen hem (3) dela amen blagoslovija akana hem ki budućnost (w22.11, str. 9).

Sar đanaja so o lafija ando Psalam 37:10, 11, 29 ispuninđe pe ko purano vreme hem ka ispuninen pe ki budućnost?

E Davidese lafija mothovena save blagoslovija hine len o Izraelcija đi vladinđa o kralj Solomon. A o Isus vaćerđa ando raj kova ka ovel ki budućnost hem citirinđa o 11. stiho (Mat. 5:5; Luka 23:43; w22.12, str. 8-10, 14).