Jekh dive, jekh phen kotar Novi Zeland dikhlja o video „Brinimo jedni o drugima“. Uduri vaćeri pe odolestar so o Jehova na samo so osetini saosećajnost nego hem mothovi la ko delo (Is. 63:7-9). Oj odlučinđa te primenini odova so sikljilji ađahar so nekase praktično ka pomožini. Kasnije odova dive, ki prodavnica dikhlja jekha romnja koja hine but ćorori hem nudinđa laće te ćinel laće diso te hal. Odija romni prihvatinđa. Ked i phen dinđa la odija hrana, kratko svedočinđa laće hem mothovđa laće o traktati Da li o muke ka ovel len krajo?

E romnja khuvđa o rojbe. Oj phenđa so barilji ki istina, ama so angleder but berša mukhlja i istina. Akana sigende molinđa pe e Jehovase te pomožini la te irini pe. I phen dinđa la Biblija hem oj prihvatinđa te proučini. a

Sar o Jehova, hem amen šaj te mothova saosećanje premalo manuša ki služba, amare phralja hem premali amari familija. Jekh ando način sar šaj te mothova saosećanje tano te roda prilike te svedočina e manušenđe.