Amen služinaja e Jehovase ked ćedaja amen amare phralencar ko sastankija, pokrajinska sastankija hem kongresija. Ama, hem ked isi amen amaro lično hem porodično proučavanje. Aće disave predlogija aso to lično ili porodično proučavanje:

• Pripremin tut aso sastankija. Šaj te vežbine o đilja hem te pomožine sarinenđe ki porodica te spreminen komentari.

• Čitin disavo biblijako izveštaj. Palo odova, crtin o događaj ando kova čitinđan ili pisin ko jekh lil so sikljiljan.

• Istražin andi disavi molitva kotar Biblija hem razmislin sar šaj odova te pomožini tut te popravine te molitve.

• Dikh disavo video ando amaro sajt hem palo odova vaćer olestar averencar ili pisin so sviđinđa pe tuće ando odova video.

• Spremin tut asi služba. Šaj te vežbine sar bi vaćereja e stanareja ki služba.

• Posmatrin diso so o Jehova stvorinđa hem hor razmislin ili vaćer so odova sikavi tut olestar. a