Amare grehija šaj te oven oprostime jedino prekali otkupno žrtva koja o Isus platinđa pe rateja (Ef. 1:7). Ama, ki Biblija pisini: „O Devel [. . .] sebepi po strpljenje oprostinđa o grehija kola hine ćerde ko purano vreme“, avere lafencar, angleder o Isus te del po životi sar otkupnina (Rimlj. 3:25). Sar šaj hine o Jehova te ćerel odova, a ko isto vreme te ićeri pe ko pe savršena merilija andi pravda?

Anglo Jehovase jaćha, i otkupnina hine platimi ando trenutko ked odlučinđa te obezbedini jekh „potomstvo“ kova ka spasini okolen kola verujinena koro leste (Post. 3:15; 22:18). O Devel hine potpuno sigurno so ko vreme kova odredinđa, oleso jedinobijando Ćhavo spremno ka del po životi sar otkupnina (Gal. 4:4; Jevr. 10:7-10). Đi hine ki phuv, o Isus hine le autoritet te oprostini o grehija angleder so i otkupnina hine dindi. Ov šaj hine te ćerel odova odolese so đanđa so olesi žrtva ka ućhari sa e manušenge grehija (Mat. 9:2-6).