O roditeljija isi len bari odgovornost te sikaven pe ćhaven ando Jehova (Ef. 6:4). Te šaj te pomožini e roditeljenđe, e Jehovasi organizacija ikalđa but člankija, videa hem đilja. Sar šaj te koristine odova te sikave te ćhaven?

• Đa ko amaro sajt jw.org. Uduri šaj te arakhe sa soj tano ćerdo e ćhavorenđe, sar soj tane videa ili radna listija kaj on šaj te crtinen hem te pisinen. a Te šaj te arakhe odova, ko deo rode pisin „Ćhavore“ ili „Tinejdžerija“.

• Birin soj tano najšukar te ćhavenđe. Ko deo „Ćhavore“ šaj te birine odova so mislineja so ka ovel korisno te ćhavenđe. Na primer, dikh so isi ko deo „Projekti za porodično proučavanje“.

• Odvojin vreme te vaćere te ćhavencar ando akala buća. Amare videa hem publikacije nane ćerde samo te zaokupinen e ćhavengi godi. Tu valjani te koristine odola buća te pomožine te ćhavenđe te gradinen po amalipe e Jehovaja.