Đi pripremineja tut te proučine, puć tut: „So mangava te sikljovav?“ Šaj amen već isi amen ki godi so ka sikljova, ama odova na značini so nane pana disave neve buća kola o Jehova mangela te sikavi amen. Sar šaj te đanav so o Jehova mangela te sikavi man?

Molin tut asi mudrost. Rode ando Jehova te pomožini tut te haljove so mangela akana te sikljove (Jak. 1:5). Ma oslonin tut ko odova so već đaneja (Posl. 3:5, 6).

Mukh e Devleso Lafi te delujini upro tute. „E Devleso lafi tano đivdo“ (Jevr. 4:12). Odolese, svako puti ked čitineja i Biblija, oj šaj te sikavi tut diso nevo hem te pomožini tuće ko razna načinija. Ama, odova šaj te ovel samo ako haljovaja so o Devel mangela te sikavi amen.

Cenin sa odova so isi ko Jehovaso astali. I duhovno hrana koja avela ando Jehova tani sar jekh astali ko kova isi pherdo habe (Is. 25:6). Proučin o teme aso kola šaj mislineja soj tane dosadna. Ađahar ka mukhe e Jehova te pomožini tut te ove pošukar manuš hem ćaće ka uživine đi ka proučine.