But amare phralja kola nane aktivna ka aven ko torniko 11. april ko Dive ked setinamen ko Isuseso meribe. On počmije te prastan ki trka dživdipase ama hari po hari ačhilje palal sebepi so hineljen razna pharipa. A disave ando odola pharipa tane pisime ki brošura Vratite se Jehovi (Jev 12:1). Ama, on tane pana manglje e Jehovase, sose ov čijaljen e rateja ando oljeso Čhavo (Čer 20:28; 1Pe 1:18, 19). Sar šaj te pomožina oljendže te irinenpe ki skupština?

O starešine rodena hem pomožinena okoljen so nane aktivna, isto sar jekh pastiri kova dela sa pestar te arakhi e bakre kova našaldilo ando stado (Lu 15:4-7). Odova mothovi so o Jehova mangipa akhari gajlja (Jer 23:3, 4). Sare amen šaj te ohrabrina oljen, a na samo o starešine. Ked amen daja sa amendar te čera šukaripe hem viljestar akhara gajlja oljendar, tegani o Jehova tano bahtalo hem amendže tano odova korisno (Godž 19:17; Čer 20:35). Odoljese, razmislin kas šaj te ohrabrine hem čer odova so posigate.

DIKH O FILM POMOZI NEAKTIVNIMA HEM PALO ODOVA ODGOVORIN KO AKALA PUČIBA:

• So čerdža i Abi ked reslja e phenja kola na džandža?

• Sose tano šukar te vačera e starešinenca ako manga te pomožina džikase ko nane aktivno?

• Sar i Abi spremisalji te dikhelpe e Lora o dujto puti?

• Sar i Abi mothodža mangipe, strpljenje hem istrajnost dži manglja te ohrabrini e Lora?

• So amen šaj te sikljova ando primer kova vačerdža o Isus ko Luka 15:8-10?

• Save berečetija hine palo odova ked sare ki kupa pomožije e Lorače?