Počmindoj kotar akava berš, ka ovel amen pobuter vreme te spremina amen e divese ando Spomen-svečanost. Ako o Spomen-svečanost perela ko radno dive, odova kurko na ka ovel amen sastanko ko radno dive. A ked perela ki subota ja nedelja, na ka ovel amen javno predavanje hem proučibe andi Stražarsko kula ko amare skupštine. Da li ka koristine ko najšukar način o slobodno vreme so ka ačhol tuče? Sar so hine ko prvo veko, hem avdije valjani te spreminen pe disave praktična buča akalje posebno sastankose (Lu 22:7-13; km 3/15 1). Ama svako amendar valjani te pripremini po vilo. Sar šaj te čera odova?

• Razmislin kobor tano važno te dža ko akava posebno sastanko (1Ko 11:23-26).

• Molin tut hem razmislin odoljestar kobor hijan paše e Jehova (1Ko 11:27-29; 2Ko 13:5).

• Čitin o stihija kotar e Devljeso Lafi hem o materijali ando amare publikacije kola vačerena odoljestar so značini o Spomen-svečanost hem hor razmislin odoljestar (Jv 3:16; 15:13).

Angljeder hem palo Spomen-svečanost, disave objaviteljija pratinena o raspored ando e Biblijako čitibe ki brošurica Svakodnevno razmatranje Pisma. On hor razmislinena ando odova so čitinena. Avera čitinena o stihija andi Biblija kola tane dinde ki tabela potelje. Isto adžahar, isi objaviteljija kola proučinena o člankija andi Stražarsko kula so vačerena ando Spomen-svečanost hem ando e Jehovaso hem e Isuseso mangipe premalo amende. Bilo sar planirineja te proučine i Biblija, nek odova pomožini tut te ove pana popaše e Jehovaja hem oljese Čhaveja.