SOSE TANO ODOVA VAŽNO: Svako jekh ando glavna publikacije e službače ljegarena ki amari internet stranica jw.org. Na primer, i kontakt-kartica hem o traktati Ko šaj te delmen odgovorija ko pučiba ando amaro dživdipe? čerde tane te ljegaren e manušen ki amari internet stranica. Odothar, amare glavna publikacije šaj te bičhalje prekalo mejl, a šaj hem te bičhalje o link kotar odija publikacija. Odova šaj but te pomožinitu ked mangeja te vačere o šukar haberi džikase ko vačeri aver čhib. Disavo puti o manuša šaj te pučen diso so nane odgovorimo ko amare glavna publikacije e službače. Ako džana sar te mothova amari internet stranica, tegani šaj te ova pošukar ki amari služba.

SAR TE ČERE ODOVA:

• Dža ko okvir (ki srpsko čhib) „BIBLIJSKA UČENJA“. Te phena so vačereja o šukar haberi jekhe dadese ja dajače kola mangena te džanen pobuter sar te bajačeren pe čhaven. Dža ko BIBLIJSKA UČENJA > BRAK I PORODICA.

• Dža ko okvir (ki srpsko čhib) „PUBLIKACIJE“. Te phena so vačereja o šukar haberi ki škola te amaljese hem mangeja te delje i brošura Odgovori na 10 pitanja mladih. Dža ko PUBLIKACIJE > KNJIGE I BROŠURE.

• Dža ko okvir (ki srpsko čhib) „O NAMA“. Te phena so vačereja o šukar haberi džikase kasa čereja buti kova mangela te džanel diso kotar odova ko so amen verujina. Dža ko O NAMA > UOBIČAJENA PITANJA.

DIKH O FILM KORISTIMO SAJT JW.ORG HEM PALO ODOVA RAZMISLIN KURI ŠAJ TE ARAKHE DISO POBUTER KI AMARI INTERNET STRANICA TE ŠAJ TE POMOŽINE:

• džikase ko na verujini ko Devel

• džikase ko hinelje disavo baro pharipe

• e phraljese ja e phenjače kola tane neaktivna

• džikase ko mangela te džanel sar čedenape o pare te šaj te čera amari buti

• e manušese kova vačeri aver čhib, a mangela te džal ko sastankija ki piklji Phuv