O Isus dija po dživdipe e nesavršeno manušendže (Ri 5:8). Čače, svako jekh amendar cenini odova so o Isus mothodža mangipe adžahar so dija po dživdipe amare šukaripase. Ama, šaj podijekh puti valjani te setinamen so o Isus mulo hem amare phraljese. Sar šaj amen sar o Isus te mothova mangipe amare phraljendže hem phenjendže kola tane sar amende nesavršena? Te dikha trin buča sar šaj te čera odova. Sar jekhto, valjani te čera ko odova te ovelmen pobuter amala adžahar so ka ova hem okoljenca kola tane avečhane amendar (Ri 15:7; 2Ko 6:12, 13). Sar dujto, amen šaj te pazina so ka vačera hem so ka čera te na dukhava averen (Ri 14:13-15). Sar trito, ked džiko grešini premalo amende, amen šaj sigate te oprostina oljese (Lu 17:3, 4; 23:34). Ako da sa amendar te ova sar o Isus ko akala buča, tegani o Jehova hem ponodri ka berečetini i skupština adžahar so ka del rahati hem jekhipe.

DIKH O FILM VAŽNO JE KAKO GLEDAMO NA STVARI HEM PALO ODOVA ODGOVORIN KO AKALA PUČIBA:

• Sar ko početko ki skupština hine e phenjače Miki?

• Sar alo dži odova oj te prominipe?

• Sar e Isuseso primer pomožija e phenjače Miki te dikhel averčhane o buča? (Mr 14:38)

• Sar šaj o Godžalje lafija 19:11 te pomožinen amen te dikha šukar upro amare phralja hem phenja?