O isključenje zaštitini e skupština hem ađahar okola kola na kajinena pe dobinena ukor (1Ko 5:6, 11). Amen mothovaja mangipe ako hijam poslušna ked o Jehova ukorini nekas. Asi familija hem aso disciplinsko odbor šaj te ovel but pharo sebepi okova kova tano isključimo. Tegani, sar šaj hem on te mothoven soj tane poslušna?

Amenđe tano najvažno te mothova so mangaja e Jehovaso anav hem so poštujinaja olesi svetost (1Pe 1:14-16). Isto ađahar, amen mothovaja mangipe premalo okova kova tano isključimo. Iako o ukor šaj te dukhal, ov šaj te anel „o plod pherdo ando mir, a odova tano pravednost“ (Jev 12:5, 6, 11). Ako družinaja amen okolencar kola tane isključime ili kola kokri aćhavđe e Jehova, tegani bi mešinaja amen ko način sar o Jehova dela disciplina. Ma bistri, o Jehova ukorini pe narodo „odobor kobor valjani“ (Jer 30:11). Amen isi amen nada so okola kola tane isključime ka irinen pe e Jehovase. Ði ađiceraja odova, mangaja te ćera sa so valjani te bi ovaja paše e Jehovaja (Is 1:16-18; 55:7).

DIKH O FILM BUDI VERAN JEHOVI CELIM SRCEM HEM PALO ODOVA ODGOVORIN KO AKALA PUĆIBA:

• Sar osetinđa pe jekh bračno par ked olengo ćhavo aćhavđa e Jehova?

• Sar šaj i skupština te pomožini e porodicaće kastar tano neko isključimo?

• Kova biblijako primer mothovi so valjani te ova pobuter verna e Jehovase, a na e porodicaće?

• Sar šaj te mothova soj tani amari vernost premalo Jehova pobari nego premali porodica?