Odova so o Jehova čerdža mothovi oljesi slava (Ps 19:1-4; 139:14). Ama e bengeso sveto pherela e manušengi godi ando hovavne sikaviba sar ulo o dživdipe, a odoljeja ladžačerena e Devlje (Ri 1:18-25). So šaj te čere, te na mukhe esavke sikaviba te khuven ko te čhavengi godi hem vilo? Pomožin oljendže kotar tiknipe te bajačeren pi vera ko odova so o Jehova tano dživdo Devel hem so akhari gajlja svakonestar (2Ko 10:4, 5; Ef 6:16). Vačer oljencar so mislinena ando odova so sikljovena ki škola hem koristin amare publikacije te šaj te rese dži oljengo vilo (Godž 20:5; Ja 1:19).

DIKH O FILM ŠTA KAŽU TVOJI VRŠNJACI — VEROVANJE U BOGA, HEM PALO ODOVA VAČER E PUBLIKA ANDO AKALA PUČIBA:

• So but džene mislinena ando odova da lji valjani te verujina ko Devel?

• So sikavena tumen ki škola?

• Sose verujineja so o Jehova tano dživdo Devel?

• Sar šaj te pomožine džikase te haljol so o Devel čerdža sa?