Kobor vreme već adžičereja te avel e Devljeso Kraljevstvo? Da li istrajineja strpljivo iako isi tut pharipa? (Ri 8:25) Disave hrišćanja tane mrzime, maltretirime, phanlje ja čak isi opasnost te oven mudarde. But avera borinena pe disave nabormipaja kova trajini but vreme ja odoljeja soj tane ko phure berša.

So ka pomožini amen te istrajina ked isi amen problemija? Amen valjani svako dive te zorjačera amari vera adžahar so ka čitina i Biblija hem so hor ka razmislina ando odova so čitijam. Uvek valjani te ovel amen ki godi amari nada (2Ko 4:16-18; Jev 12:2). Amen valjani te molina amen e Jehovase hem ando vilo te roda oljestar te del amen zoraljipe prekalo oljeso sveto duho (Lu 11:10, 13; Jev 5:7). Amaro manglo Dad šaj te pomožini amen te istrajina, te ova strpljiva hem uzo odova te ačhova bahtalje (Ko 1:11).

DIKH O FILM „ISTRAJNO TRČIMO TRKU“ – BUDIMO SIGURNI DA ĆEMO DOBITI NAGRADU  HEM PALO ODOVA ODGOVORIN KO AKALA PUČIBA:

• Save situacije kola na očekujinaja šaj te oven amen ko amaro dživdipe? (Va 9:11)

• Sar i molitva pomožini amen ked isi amen pharipa?

• Ako našti te čera odobor sar so čerdžam angljeder ki služba e Jehovase, sose tano šukar te razmislina ando odova so šaj pana te čera?

• So pomožini tut te ačhove uverimo so ka dobine i nagrada?