HRIŠĆANSKO DŽIVDIPE
Čer pošukar ti služba – te čhinavi pe o biblijako kurs ako o manuš na napredujini
SOSE TANO ODOVA VAŽNO. O manuša valjani te vičinen e Jehovaso nav te šaj te oven spasime (Ri 10:13, 14). Ama, nane sa o manuša kola proučinena i Biblija spremna te živinen premalo e Jehovase merilija. Amen daja sa amendar amaro vreme te iskoristina te pomožina okoljen kola čače mangena te prominen po dživdipe te šaj te služinen e Jehovase. Ked o manuš kasa proučinaja i Biblija na napredujini, iako nakhlja dovoljno vreme, tegani tano mudro te čhinava o biblijako kurs. Adžahar šaj te iskoristina o vreme te pomožina okoljendže kas o Jehova cidela nakro peste hem ki piklji organizacija (Jv 6:44). Ama, ako palo disavo vreme o manuš ka mothovi so ko po vilo prihvatini „o čačipe kova ljegari ko večno dživdipe“, tegani amen ka ova bahtalje palje te proučina oljeja (Čer 13:48).
SAR TE ČERE ODOVA
-
Pohvalin e manuše sose mangela šukar te pendžari o čačipe (1Ti 2:4)
-
Naglasin kobor tano važno te čerel odova so sikljilo (Lu 6:46-49)
-
Vačer oljeja ando Isuseso primer kotar sejači hem šukaripaja podstaknin lje te razmislini so sprečini lje te čerel odova so sikljilo (Mt 13:18-23)
-
Taktično objasnin ljese sose čhinaveja o kurs
-
Vačer oljese so disavo puti ka vičine lje ja ka posetine lje hem ako napredujini šaj palje te proučinen
DIKH O FILM HEM PALO ODOVA ODGOVORIN KO AKALA PUČIBA:
-
So kotar akava razgovor mothovi so o manuš kova proučini na napredujini duhovno?
-
Sar o objavitelj pomožija akalje manušese te haljol so valjani te čerel promene?
-
Sar o objavitelj mothodža so o kurs šaj palje te nastavini pe ked o manuš ka ovel spremno?