Ked dikheja jekh šarimi luludi, o čerenja ko nebo ja o baro vodopad, da li tegani razmislineja ko čerdža odova? Sa o buča kola tane čerde čače mothovena e Devljese osobine kola na dičhona (Ri 1:20). Ked arakhaja vreme te razmislina odoljestar so dikhaja, tegani šaj te dikha e Devljesi moć, mangipe, mudrost, pravda hem soj tano ov phravde vasteso (Ps 104:24).

Kola e Jehovase delija so ov čerdža dikheja svako dive? Čak ako živineja ki diz, tu šaj te dikhe o kašta hem e čirikljen. Ako pažljivo dikhaja o buča so o Jehova čerdža, tegani ka osetina amen pošukar hem na ka razmislina samo ando amare problemija, nego ka dikha kola tane o najvažna buča ko amaro dživdipe. Isto adžahar ka bajačera amari vera so o Jehova šaj večno te brinini pe amendar (Mt 6:25-32). Ako isi tut čhave, pomožin oljendže te dikhen e Jehovase bare osobine. So pobuter ceninaja o delija soj tane čerde, odobor popaše ka ova amare Stvoriteljeja (Ps 8:3, 4).

DIKH O FILM ZADIVLJUJUĆA DELA STVARANJA OTKRIVAJU BOŽJU SLAVU – SVETLOST I BOJA HEM PALO ODOVA ODGOVORIN KO AKALA PUČIBA:

• Sar o pigmentija pomožinena amen te dikha o boje?

• Soj tani i iridiscencija?

• Sose dikhaja razna boje ko nebo?

• Save šuže boje dikhljan ki priroda ko than kaj živineja?

• Sose valjani te arakha vreme te šaj pažljivo te dikha i priroda?