Zamislin te živine ki Galileja ko vakti ked živija o Isus. Valjani te dža dži o Jerusalim te slavine o Praznik senica. I diz tani pherdi e manušenca so služinena e Devljese kola alje but dural. Tu mangeja te de i žrtva e Jehovase. Ko piče ičereja e jarco hem dži džaja ko hram nane lokho te nakhe maškaro but manuša. Ked reseja uduri, o hram tano pherdo manušenca kola isto adžahar mangena te den i žrtva. Aljan hem tu ko redo te de e jarco e sveštenikose. Ama tegani setinejatu soj tano to phral holjamo upro tute, kova tano odothe maškaro sa odola manuša. O Isus vačeri so valjani te čere (Čitin Matej 5:24.) Sar šaj tu hem to phral te oven ko rahati sar so vačerdža o Isus? Ki svako tačka ko akava okvir kova tano telje, pisin kova tano tačno odgovor.

ME VALJANI. . .

• te vačerav me phraljeja samo ako mislinava so čače isilje razlog te ovel holjamo upro mande

• te vačerav me phraljese soj tano but osetljivo ja soj tano hem ov krivo odolje problemese

• te šunav me phralje dži vačeri, viljestar te izvininama hem te phenav so na mangljum namerno te dukhavavlje, čak ako na haljovava sose alo dži o problemi.

OV VALJANI. . .

• te rodel pomoć kotar avera ki skupština hem te vačeri oljendže so hine.

• te vačeri lošno mandar hem te čhivelma te vačerav so hijum krivo.

• te dikhel so ponizno hem zoraljipa dželjum koro oljeste hem te oprostini maje viljestar.

Premalo Isusese lafija, sar amaro odnos e phraljenca utičini ko amaro odnos e Devljeja?