Anglo e Jehovase jaćha o brako tano diso but ozbiljno. Ov phenela so o rom hem i romni mora te aćhon verna jekh jekhese (Mt 19:5, 6). Isi but bahtale brakija ko e Jehovaso narodo. Ama, nijekh brak nane savršeno. Ka oven problemija. Amen na valjani te razmislina sar o manuša ko sveto kola mislinena soj tano o razdvajanje hem o razvod rešenje ked isi problemija. Sar šaj o hrišćanija te arakhen po brak?

Razmislin ando akala panđ buća:

1. Arakh to vilo ađahar so ka naše ando buća sar soj tane o flertovanje hem i nemoralno zabava, kola šaj te utičinen upro to brak (Mt 5:28; 2Pe 2:14).

2. Zorjaćer to amalipe e Jehovaja hem barjaćer ti želja te ugodine lese ko brako (Ps 97:10).

3. Hem ponodri urav i nevi ličnost hem ćer o tikne buća kola tane šukar, a kola ka ćeren tumaro bračno životi polokho (Ko 3:8-10, 12-14).

4. Nek ovel tumen poštovanje hem šukar komunikacija (Ko 4:6).

5. Ćer mangipaja ti bračno dužnost hem mothov emocije (1Ko 7:3, 4; 10:24).

Ked o hrišćanija poštujinena o brak on poštujinena hem e Jehova, kova ćerđa o brak.

DIKH O FILM „ISTRAJNO TE PRASTA I TRKA“ – POŠTUJIN O PRAVILIJA ANDI TRKA HEM PALO ODOVA ODGOVORIN KO AKALA PUĆIBA:

• Iako ko početko šaj te ovel amen šukar brak, kola pharipa kasnije šaj te pojavinen pe?

• Sar šaj e biblijake načelija te pomožinen okolenđe kola osetinena so ko olengo brak nane mangipe?

• Kola uloge o Jehova dinđa svakonese ko brak?

• So valjani te ćeren o rom hem i romni te bi olengo brak ovela uspešno?