Sovaja tu borineja tut svako dive? Da li hijan poglavari kova isi le but odgovornostija? Da li kokri barjaćereja te ćhaven hem borineja tut te ikljove ko krajo e problemencar? Da li hijan terno hem doživineja nasilje ki škola? Da li borineja tut e lošno sastipaja hem e problemencar kola anela o phuripe? Svako amendar borini pe disovaja. But hrišćanija isi len razna pharipa kola šaj te desinen pe ko isto vreme. Ama, pana hari amen đanaja so ka ova oslobodime ando sa odola pharipa (2Ko 4:16-18).

Ði na avela odova vreme, amen hijam utešime odoleja so đanaja so o Jehova haljola amari borba, cenini amari vernost hem istrajnost hem so mangela te blagoslovini amen (Jer 29:11, 12). Hem o Isus brinini pe amendar. Ði amen ćeraja sa amare zadatkija, o Isus uverini amen „Me hijum tumencar“ (Mt 28:20). Ked odvojinaja vreme te razmislina ando blagoslovija kola ka oven amen ko nevo sveto, amen zorjaćeraja amari nada hem amari odlučnost te istrajina ko kušnje kola isi amen avdije (Ri 8:19-21).

DIKH O FILM USMERIN TO POGLED UPRO ISUS ÐI SPREMINEJA TUT ASI NAJBARI OLUJA! – O BLAGOSLOVIJA KOLA KA ANEL O KRALJEVSTVO HEM PALO ODOVA ODGOVORIN KO AKALA PUĆIBA:

• Sar o manuša cidinđe pe ando Devel hem đi so odova anđa?

• Savi budućnost ka oven len okola kola verno služinena e Jehovase?

• Sose šaj te nadina amen so ka ovel amen asavki budućnost?

• Kola blagoslovija jedva ađićereja te dikhe ko nevo sveto?