Sose amen odobor but uživinaja ko amare međunarodna kongresija? Sar so hine ko purano Izrael hem avdije ko kongresija isi amen prilika te služina e Jehovase amare phraljencar hem phenjencar. Othe avena po nekobor stotine pa čak hem hiljade prisutna. Uživinaja ki duhovno hrana koja pomožini amenđe te ova popaše e Jehovaja. Isto ađahar, zajedno hijam amare amalencar hem porodicaja. Odolese mangaja te ova prisutna o sotrin dive ko amaro kongres.

Ked isi amen asavke prilike te ćeda amen zajedno, na valjani te mislina samo amendar nego hem ando odova sar šaj te mothova mangipe averenđe (Ga 6:10; Jev 10:24, 25). Ked amen phravaja o udara amare phraljenđe ili e phenjenđe ili astaraja samo odobor thana kobor valjanena amenđe, mothovaja so dikhaja averengi korist (Fil 2:3, 4). O kongresija tane šukar prilika te steknina neve amalen. Angleder hem palo program hem đi trajini i pauza aso ručko, šaj te ovel amen cilj te vaćera nekasa kas na penđaraja (2Ko 6:13). Odova amalipe kova ka steknina šaj te trajini večno! Hem okola kola dikhena so mothovaja ćaćutno mangipe, šaj te odlučinen te počminen te služinen e Jehovase amencar (Jv 13:35).

DIKH O FILM O MEÐUNARODNA KONGRESIJA „O MANGIPE NIKED NA ĆHINAVÐOLA“ HEM PALO ODOVA ODGOVORIN KO AKALA PUĆIBA:

• Sar mothovđe mangipe o delegatija kola prisustvujinđe ko međunarodno kongres ko 2019. berš?

• Sose tano o jekhipe hem o mangipe maškaro e Jehovaso narodo diso posebno?

• Kola aspektija ando hrišćansko mangipe mothovena o članija ando Vodeće telo?

• Sar o hrišćansko mangipe ćerđa te oven ko jekhipe amare phralja ki Nemačka hem ki Južno Koreja?

• So valjani te ova odlučna te ćera?