Sose te pripremina amen? Akava tano važno sose iznenada šaj te doživina disavi nesreća ja te naborsaljova. Tegani šaj hitno ka valjani amenđe medicinsko pomoć. Odolese, ćer akana sa so šaj te pripremine tut te šaj tegani te dobine najšukar medicinsko nega. Odoleja ka mothove so poštujineja o životi hem e Jehovaso zakon ando rat (Del 15:28, 29).

Sar šaj te pripremine tut?

• Molin tut hem pažljivo pher o dokumenti posebno medicinsko punomoć (PMP). a O phralja hem o phenja kola tane krstime šaj te roden PMP kartica ando phral kova brinini pe asi literatura, a aso olenge ćhave šaj te roden Identifikacionu karticu (ic)

• Ako hijan khamni, šukar tano ando starešine te rode o dokumenti Informacije za trudnice (S-401). Akava dokumenti ka pomožini tuće te ane mudra odluke ako pojavini pe disavo problemi đi hijan khamni ili palo bijanibe.

• Ako valjani te ovel tut operacija ja ako valjani te aćhove ki bolnica, vaćer ando odova e starešinencar hem vaćer ki bolnica so mangeja neko ando Jehovase svedokija te posetini tut

Sar šaj o starešine te pomožinen? Šaj te pomožinen tuće te phere ti PMP kartica. Ama, on na ka anen nisave odluke ko to than hem na ka vaćeren po lično mišljenje ando buća kola valjani kokri tu te odlučine (Ri 14:12; Ga 6:5). Ked ka obavestine te starešinen so valjani te ovel tut disavi medicinsko intervencija kuri obično koristini pe o rat, on ka kontaktirinen e phralen kola služinena ko Odbor aso odnosija e bolnicencar (OOB) te šaj te pomožinen tut.

Sar šaj te pomožini o OOB? O phralja so služinena ko akava odbor tane obučime te pomožinen okolen ko medicinska hem pravna ustanove te haljon amaro stav premalo rat. On šaj te vaćeren e doktorencar ando medicinska postupkija kuri na koristini pe rat. Isto ađahar, ako valjani on šaj te arakhen tuće doktore kova ka operisini tut bizo rat.

DIKH O VIDEO SAR TE ANE ŠUKAR ODLUKE ANDO RAT KED LEČINEJA TUT?, HEM PALO ODOVA ODGOVORIN KO AKAVA PUĆIBE:

• Premalo video so dikhljan, so ka pomožini tuće te ove spremno ako ka valjani tuće hitno medicinsko intervencija?

  To odgovor