Ko akala poslednja dive, sare amen doživinaja disave pharipa. Podijekh puti, šaj mislinaja so našti više te borina amen olencar. Ama, ako hem ponodri aćhovaja paše e Jehovaja, ov ka del amen snaga te istrajina ko najbare pharipa (Is 43:2, 4). Ked hijam ko pharipa, sar šaj te ova pana popaše e Jehovaja?

Molitva. Ako phravaja amaro vilo e Jehovase ki molitva, ov ka del amen mir hem snaga te istrajina (Fp 4:6, 7; 1So 5:17).

Sastankija. Prekalo amare sastankija o Jehova dela amen duhovno hrana hem odothe šaj te arakha prava amalen. Odova valjani amenđe više neko iked angleder (Jev 10:24, 25). Ako pripreminaja amen aso sastankija, ako hijam redovna hem ako učestvujinaja ko sastankija, tegani e Jehovaso duh ka pomožini amen (Ot 2:29).

Služba. Ka ovel amenđe polokho te razmislina ando šukar buća ako daja sa amendar te učestvujina ki služba ked god šaj. Isto ađahar, ka ova pana popaše e Jehovaja hem amare phralencar (1Ko 3:5-10).

DIKH O VIDEO O JEHOVA KA PRIHVATINI TUT, HEM PALO ODOVA ODGOVORIN KO AKALA PUĆIBA:

• So pomožinđa e phenjaće Malu te aćhol paše e Jehovaja ked hine ko pharipa?

  To odgovor

• Sar šaj o lafija ando Psalam 34:18 hem amen te utešinen ked hijam ko pharipa?

  To odgovor

• Sar akale phenjako iskustvo mothovi so o Jehova dela amen „but bari snaga“ ked hijam ko pharipa? (2Ko 4:7).

  To odgovor