HRIŠĆANSKO ĐIVDIPE
Poštujin e phure romnjen sar dajen, a e terne romnjen sar phenjen
E Devleso Lafi mothovi amenđe so e phure phralen hem e phenjen valjani te poštujina sar amare dajen hem daden, a e terne phralen hem e phenjen sar amare phralen hem phenjen. (Čitin 1. Timoteju 5:1, 2.) Posebno o phralja valjani te mothoven so pazinena ko e phenjengo dostojanstvo hem so poštujinena len.
O phral na ka flertujini jekha phenjaja, ni na ka ćerel diso so bi anela đi odova te ovel e phenjaće neprijatno ko oleso društvo (Jov 31:1). Jekh phral kova nane ko brako na ka ćhelel pe e osećanjencar andi jekh phen ađahar so ka ćerel pe soj tano zainteresimo olaće, a na mangela te ovel ki veza olaja.
O starešine valjani te mothoven razumevanje premalo phenja kola pućena len diso ja phenena lenđe diso so zapazinđe, ama đi ćerena odova o phenja mothovena so poštujinena len. Posebno valjani te mothoven poštovanje premalo phenja kola nane len rom kova ka zaštitini len (Ru 2:8, 9).
DIKH O VIDEO UVEK MOTHOV MANGIPE KI SKUPŠTINA – PREMALO UDOVICE HEM ĆHAVORE BIZO RODITELJIJA HEM PALO ODOVA ODGOVORIN KO AKALA PUĆIBA:
-
Sar o phralja hem o phenja mothovđe so but mangena e phenja Mjin?
-
Sar odoleja dinđe šukar svedočanstvo e manušenđe ko odova gav?
-
Sar o mangipe kova o phralja hem o phenja mothovđe utičinđa upro olake ćhaja?
Sar šaj te mothove so mangipaja brinineja tut ando phenja ki ti skupština?
