O phralja but trudinena pe te pripreminen o predlogija aso razgovor hem but objaviteljija dikhlje so odola predlogija tane ćaće šukar asi služba. Sebepi so o okolnostija ando manuša ko celo sveto razlikujinena pe, o objaviteljija ki služba šaj te koristinen aver uvod ja tema koja ka odgovorini e manušenđe. Ama, ked isi disavi akcija sare amen valjani te ićera amen ko smernice kola dobinaja. Amaro cilj tano te ićera amen ko Isusese lafija te vaćera sarinenđe i šukar vest (Mt 24:14).

Ked isi len pe učenička zadatkija, o objaviteljija valjani te vaćeren andi tema koja tani dindi aso odova masek ki Radno sveska. Ako mangena, on šaj te koristinen aver pućibe, stih, ja o pućibe asi poseta kova ka odgovorini e manušenđe ko olengo područje, osim ako na rodela pe olendar te ićeren pe ko predlogija aso razgovor. Isto ađahar, o objaviteljija šaj kokri te osmislinen ki koja situacija ka propovedinen. Akaleja menjini pe i smernica koja hine dindi ki Radno sveska ando jun 2020, ki 8. strana.