9:1-7

Zamislin sar hine e Isusese ked ki vizija šuja so oljeso nebesko Dad vačeri soj tano ov ki oljesi volja. Odova čače zorjačerdža e Isuse te nakhel sa o pharipa so valjandže te aven. Isto adžahar, akija vizija but utičija upro Petar, Jakov hem o Jovan. I vizija uverijaljen soj tano o Isus o Mesija hem so on čerdže šukar so šuje olje. Koro 32 berša palo odova, o Petar na bisterdža odova so ulo hem so oljesi vera ko proročanska lafija hine zorjačerdi (2Pe 1:16-19).

Iako nijekh amendar na dikhlja akija vizija koja ačhavimen bizo lafija, ama avdije dikha so ovela čače. O Isus vladini sar moćno Kralj. Pana hari, ov ka „anel dži o krajo piklji pobeda“ hem adžahar ka čerel te ovel jekh pravedno nevo sveto (Pu 6:2).

Sar tani ti vera zorjačerdi ked dikheja so e biblijake proročanstvija ovena čače?