E Mojsieso zakon rodija ando murša kola manglje te razvodinenpe te čeren jekh zakonsko ljil ando razvod. Odova ljil na muklja e manušen sigate te razvodinenpe. Ama, ko Isuseso vakti, e religijake vođe čerdže adžahar so šaj džiko lokho te razvodinipe. O murša šaj hine te roden razvod sebepi disave tikne buča (nwtsty-E o beleške ando Mr 10:4, 11: „Potvrda o razvodu“, „Razvede od svoje žene“, „Čini preljubu prema prvoj“). O Isus vačerdža so o Jehova tano odova kova čerdža o brak (Marko 10:2-12). O Jehova manglja o rom hem i romni te oven jekh telo celo poklo dživdipe. Isi samo jekh biblijako razlog te šaj džiko te razvodinipe kova tano pisimo ko Matej. Odova tano ako džiko prevarini pe rome ja pe romnja (Mt 19:9).

Avdije but manuša na dikhena ko brak sar so o Isus dikhlja, nego dikhena sar so o fariseija dikhlje. Ked avela dži o problemija, o manuša ko sveto mangena so posigate te razvodinenpe. Ama, o hrišćanja na čerena odova. On dikhena ko brak sar diso but važno hem dena sa pestar te rešinen o problemija adžahar so ičerenape ko odova so i Biblija sikavi. Palo odova so ka dikhe o film Ljubav i poštovanje ujedinjuju porodicu odgovorin ko akala pučiba:

• Sar ko toklo brak šaj te ičeretu ko stih ando Godžalje lafija 15:1 hem sose tano odova važno?

• Sar šaj o stih ando Godžalje lafija 19:11 te pomožinitu te na avel dži o problemija?

• So šaj te pučetu ako isitu problemija kola anena dži odova te mange te razvodinetu?

• Sar šaj te ove pošukar rom ja romni ked ka ičeretu ko lafija ando Matej 7:12?