O mangipe tano sar lepako kova spojini e porodicen te oven zajedno. Ked ki porodica nane mangipe ka ovel but pharo sarinenđe te oven ko jekhipe hem te sarađujinen jekh jekheja. Sar šaj o roma, o romnja hem o roditeljija te mothoven mangipe ki porodica?

Jekh rom kova mangela pe romnja, obratini pažnja upro olake potrebe, razmišljanja hem osećanja (Ef 5:28, 29). Ov ka brinini pe ando materijalna hem duhovna potrebe andi pi porodica. Isto ađahar, ov redovno ka ovel le porodično proučibe pe porodicaja (1Ti 5:8). Jekh romni koja mangela pe rome ka ovel lese podložno hem ka mothovi so „hor poštujini“ le (Ef 5:22, 33; 1Pe 3:1-6). O solduj đene valjani celone vileja hem spremno te oprostinen jekh jekhese (Ef 4:32). O roditeljija kola mangena pe ćhaven ka brininen pe svakone ćhavestar hem ka sikaven len te mangen e Jehova (Pz 6:6, 7; Ef 6:4). Sovaja borinena pe olenge ćhave ki škola? Sar on ikljona ko krajo e pritiskoja ando pe vrsnikija? Ked isi pherdo mangipe ki porodica, sare ka osetinen pe sigurno hem bezbedno.

DIKH O KRATKO VIDEO UVEK MOTHOV MANGIPE KI TIKLI PORODICA HEM PALO ODOVA ODGOVORIN KO AKALA PUĆIBA:

• Sar jekh rom kova mangela pe romnja mothovi so brinini pe andi pi romni?

• Sar jekh romni koja mangela pe rome mothovi so hor poštujini pe rome?

• Sar o roditeljija kola mangena pe ćhaven pomožinena lenđe te ćhiven e Devleso Lafi ko po vilo?