I disciplina odnosini pe uglavnom upri pouka hem upro vaspitanje, ama isto ađahar šaj te ovel ukor ja kazna. O Jehova dela amen disciplina te šaj te služina lese ko ispravno način (Ri 12:1; Jev 12:10, 11). Podijekh puti šaj te dukhal amen ked dobinaja i disciplina, ama oj pomožini amen te ova pravedna anglo Jehova hem te ovel amen oleso blagoslov (Psl 10:7). So valjani te ovel len ki godi okola kola dena i disciplina hem okola kola dobinena la?

Okova kova dela: O starešine, o roditeljija hem avera dena sa pestar te den disciplina ko ljubazno način hem mangipaja, ađahar sar so o Jehova ćerela (Jer 46:28). Podijekh puti ki disavi situacija valjani te del pe ozbiljno ukor, ama čak hem tegani odova valjani te ćerel pe pherdo mangipaja (Ti 1:13).

Okova kova dobini: Bizo obzir savi tani i disciplina, amen na valjani te odbacina la nego odmah te primenina la (Psl 3:11, 12). Odolese so hijam nesavršena, amenđe valjani i disciplina bizo obzir ko kova način dobinaja la. Amen šaj te dobina i disciplina prekalo odova so čitinaja ki Biblija ili prekalo odova so šunaja ko amare sastankija. Podijekh puti, nesave valjani te dobinen i disciplina ando disciplinsko odbor. Ako prihvatinaja i disciplina hem primeninaja la, ka ovel amen pošukar životi hem ka živina večno (Psl 10:17).

DIKH O VIDEO „KAS O JEHOVA MANGELA, OLE HEM UKORINI“ HEM PALO ODOVA ODGOVORIN KO AKALA PUĆIBA:

• Savo hine e Kanoneso životi ko početko hem sar promeninđa pe?

• Savi disciplina pherdi mangipaja dobinđa ando Jehova?

• So šaj te sikljova ando odova so ov doživinđa?