Te šaj te šunen e Devle, o manuša kasa proučinaja valjani te ovel len zorali vera (Jev 11:6). Amen šaj te resa đi olengo vilo ađahar so ka koristina i knjiga Ov bahtalo zauvek! Ki akija knjiga isi važna stihija, jasna objašnjenja, šukar pućiba, interesantna videa hem šuže slike. Ked pomožinaja e manušenđe kasa proučinaja te ovel len šuže osobine hem te oven amala e Jehovaja tegani pomožinaja lenđe te ovel len zorali vera (1Ko 3:12-15).

Nekase šaj te ovel pharo te ovel amal e Devleja sose našti te dikhel le. Odolese asavke manušenđe valjani te pomožina te uverinen pe so postojini o Devel hem so isi le šuže osobine.

DIKH O VIDEO KORISTIN I KNJIGA OV BAHTALO ZAUVEK! TE ZORJAĆERE AVERENGI VERA UPRO JEHOVA HEM PALO ODOVA ODGOVORIN KO AKALA PUĆIBA:

• Sar đanaja so i phen šukar pripreminđa pe aso kurs?

• Sar oj koristinđa o pućiba te pomožini e manušnjaće kasa proučini te phenel so mislini ando Isaija 41:10, 13?

• Sar o video hem e biblijake stihija utičinđe upri manušni?

But manuša na haljona soj tani i otkupnina ili na haljona soj tani oj poklon ando Devel olenđe lično (Ga 2:20). Odolese, amen valjani te pomožina lenđe te verujinen so o Isus dinđa po životi olenđe.

DIKH O VIDEO KORISTIN I KNJIGA OV BAHTALO ZAUVEK! TE ZORJAĆERE AVERENGI VERA UPRO ISUS HEM PALO ODOVA ODGOVORIN KO AKALA PUĆIBA:

• Sar đanaja so o phral šukar pripreminđa pe aso kurs?

• Sar ov koristinđa o materijal ko deo „Istražin“ te pomožini e manušese kasa proučini?

• Sose tano važno te molina amen e manušeja kasa proučinaja?