25:1-12

O Isus vačerdža o primer ando deš čhaja peklje učenikondže kola hine pomazanikija. Ama, sare amen sikljova diso kotar akava primer (w15-SBO 15. 3. 12-16). „Ačhoven džangavde, sose, na džanena ni o dive ni o sati“ (Mt 25:13). Da lji šaj te vačere so značini o primer kova o Isus vačerdža?

• O mladoženja (1. stih): O Isus

• O godžalje čhaja, spremno adžičerena e mladoženja (2. stih): O pomazana hrišćanja kola svetlinena sar svetlo ko sveto hem verno čerena poklo zadatko dži na avela o kraj (Fi 2:15)

• I vika: „Ače o mladoženja!“ (6. stih): O dokaz andi Isusesi prisutnost

• O diljine čhaja (8. stih): O pomazana hrišćanja kola ikljislje anglo mladoženja, ama na ačhilje džangavde hem na ačhilje verna

• O godžalje čhaja na mangena te den po ulje (9. stih): Palo odova so ka oveljen o paluno pečati, o verna pomazanikija više našti te pomožinen okoljendže so na ačhilje verna, sose na te ovel vakti

• „Reslja o mladoženja“ (10. stih): O Isus avela angljeder o kraj andi bari nevolja te čerel i presuda

• O godžalje čhaja hem o mladoženja khuvena ko bijav hem o udar phanljola (10. stih): O Isus ljela e verno pomazanikon ko nebo, a okola so na ačhona verna našaljena pi nebesko nagrada